西田大特賣

26-Nov 今日放左工同高仔去食名將, 食我最鍾意o既 "番薯芝左年糕"; 其實我覺得都幾貴架, 三粒咁o既蛋都成$30,但無奈我鍾意食.
食飽飽就去左西田行左一陣,因為適逢西田大特價嘛...
高仔買左條悠閒褲&去濕暖風機, 我就乜都冇買, 不過臨走買左包細薯條...返屋企同細佬一齊食,嘻嘻

待家的一天

24-Nov 今朝高仔車我出去攞DVD player (因為之前攞左出去整, 都好耐架啦), 之後就返大圍食鹿苑啦...

因為尋晚BBQ食得太多啦, 所以今日食牛丸河清淡d, 好讓自己個心好過d....

高仔今日要返工, 陪唔到我, 我就自己一個留喺家啦...

我好鍾意呢種生活呢, 可以話enjoy, 因為好自由自在, 做什麼都可以, 好free呢....

我聽左周杰倫o既新碟 "我很忙", 有一首歌 "彩虹" 好好聽, 旋轉好優美, 聽到好窩心~~

又睇左一套戲由珊迪娜布洛+奇洛里維斯主演o既 "情流戀屋", 即係韓片 "觸不到的戀人", 男女主角都好吸引, 所以吸引到我去睇....

晚黑 " 通天幹探"大結局, 情節好緊湊, 陳豪好似癲左咁....

豪華海鮮BBQ

23-Nov 今晚放左工同高仔d同事去西貢BBQ, 嗰到係邊到? 我only知係未到北潭涌囉, 哈哈, 我係負責去食架....

我食左好多野呀, 有帶子, 象拔蚌, 扇貝, 鮑魚仔, 魷魚, 雞排, 雞翼, 香腸, 牛丸等等....食到抱住個肚返去呀.

弊啦弊啦, 我o既減肥計劃又要延遲啦.....><'''

雖然同佢d同事見左唔係好多次, 但都玩得好開心呢, 嘻嘻 :p

玩到十二點幾先走, 好彩高仔有車je, 唔係有排先返到屋企呀.....

Last一堂美容班

22-Nov 今晚去左高仔屋企食飯, 食飽飽佢就車我出觀塘上美容班. 咁快就最後一堂美容班啦. 上美容班好好玩架, 學左點樣護膚, 化妝, 修眉呀咁, 又有幾個好好笑o既同學仔, 都好開心架…今堂教手部按摩同修甲, 我平時係唔好做架, 所以今堂主要係傾計居多, 哈哈~~我仲問左兩個同學仔攞email address tim….上完堂高仔就黎接我放學啦, 真係唔該你呀, 我知你好累, 好眼訓, 你都黎接我, 我會好好報答你架啦,嘻嘻…..

通天幹探

21-Nov 今朝同老闆Ohashi san 返深圳開會, 開到12點幾先返香港, 好慘呀, 要自己一個喺公司樓下食lunch, 咁就冇左$26, 又唔好食…點知食飽飽之後見到以前日通同事阿龍同Eric, 佢地話時間可以就我喎, 下次要搵佢地一齊食啦, 唔使自己一個咁悶, yeah~~

今晚返屋企食飯, 本來諗住10點到就訓架啦, 因為個人好累, 好似病病地, 點知 “通天幹探” 好鬼緊張刺激呀,最後睇完都11點lu….

花園餐廳 with Kochai

20-Nov 今日係最後一堂pilates啦, 但係我都冇上到, 同高仔走左去旺角花園餐廳鋸牛排, 有我至愛o既餐飽牛油食, 好開心丫…

Pilates係咩? 簡單d黎講即係拉筋, 好辛苦架>< , 原來我d筋係硬到不得了架, 都係宜家先知, 十堂有三堂冇上都唔係過份je, 不過下次都係唔報呢d啦, 都唔好玩既, 美容班就唔同, 好玩好多…

無線台慶

19-Nov 今晚高仔黎我屋企食飯, 因為我要睇無線台慶, 所以冇陪佢出去食, 嘻嘻..

今年台慶都好無聊下囉,亂黎o既, 好彩都有陳豪睇下je...最重要都係打電話去抽獎,係我中架啦, 哈哈..

待家的一天

18-Nov今日留係屋企,冇落過街呢...
一朝早同細佬喺電腦睇"萬千星輝頒獎典禮",見到陳豪攞獎好開心呢,佢好有型好靚仔丫!!!
見到肥肥出現,個心的確有d唔舒服.係因為佢令我諗起我o既賀平舅父,諗起賀平舅父都經歷過呢個階後,都已經好後期o既階段了.
但係賀平舅父唔同,佢發現到離開都不過半年,走得好快好快.....
之後就同媽咪進行"執衫大行動",就即係將夏季o既衫收埋,冬季o既衫放出黎啦.
咁我又可以乘機行下fashion show,hahaha~~
今日睇過d配音o既course,係好有衝動去讀,但我好驚自己會應付唔黎;而且我係"三分鐘小姐",每做一樣野都係三分鐘熱度,好驚今次又係咁,所以要諗清楚先..
夜晚睇"如果.愛",雖然睇過一次,都有想睇o既衝動...

跟Sonia東門一日遊

17-Nov同Sonia返東門行街街,11:00am由大圍火車站出發.Sonia見到好多衫&鞋好似傻左咁,其實我都係呢,heehee...行到差唔多7:00先走....
我同佢今日收穫都好豐富,我買左5條裙(2x連身裙&3x短裙),2件衫,5對socks比老豆,先用左RMB300大洋,真係好鬼死抵啊!!!
原本約左高仔放工後食飯架,點知行到遲晒,所以一返黎就去馬鞍山搵佢啦,好彩佢冇嬲我je,haha
去左佢屋企同佢爸爸媽媽食飯,11:30pm先返屋企...

肥恩生日飯

16-Nov 朝早去買左個藍莓cheese cake,賀今晚四朵金花同肥恩食生日飯.
放左工去沙田新城市百瀧意大利餐廳等佢地.點知Cwai話胃痛,唔黎食飯,放低份禮物就走左lu.
肥恩,穎然同我食完正餐,行左一陣街街就去左citysuper搵地方食cake,heehee...
我地唱生日歌食cake,好美味呢~~

乜都講一餐,乜都笑一餐,傻左!11:30pm先返屋企,yeah!

He Passed away...

八月十七日, 係我永遠都記得o既日子, 亦係我呢一生最唔開心o既日子. 呢一日我o既賀平舅父離開左我地.

知道他生病才沒有半年, 他就已經離我們而去了, 真的好唔捨得...

這幾個月去看他, 看見他的身體一日比一日差下去, 心真的很痛, 好難受...但如果不去看他, 就以後都看不到他了.

只好忍著傷痛, 硬著頭皮去做.

失去一個親人的感覺, 絕對不好受, 是很難過的; 想到以後也見不到他, 更是心如刀割, 哭到死去活來.

到現在已經三個月時間了, 但我還是接受不到這個事實. 總感覺他仍然在我們身邊一樣.

有時一個人靜下來時, 又會想起他, 懷念他曾與我共渡的時光.

雖然相處的時間不多, 而且是很久以前的事, 但我會一世都記住的.

賀平舅父, 您在另一個世界一定要生活得幸福快樂!!!

第一次

第一次, 我第一次寫呢個屬於我自己o既 blog. 其實一早都想寫架啦, 但無奈成日都好似好唔得閒寫咁....

我好想寫低我每一日o既感受, 以便我將來可以回味一下 (因為我好冇記性, 好快就將d野忘記).

我以前都有寫日記o既習慣, 都好幾年前o既事lu, 寫寫下就冇寫到.

之後就用一本小簿子去寫低少少o感受, 但因為空間有限, 每次都寫到爆晒格, 所以一打開我本小簿子o既時候, 就會見到密密麻麻o效果...哈哈哈

宜家多左個途徑比我抒發感情, yeah