公司X'mas dinner@德福

12-Dec 今日公司食x'mas dinner, 係就係早左好多, 但係我都好興奮, 因為唔係食例牌o既buffee, 係食我第一次食o既法國菜, 嘻嘻...
六點半大家一齊起行去坐火車轉地鐵去九龍灣德福廣場, 間餐廳個環境都唔錯喎, 如果情侶黎食就會好romantic la...我地訂左兩大張長枱, total 22個人, 旁邊仲有一張小枱放紅酒&白酒.

食左差唔多兩個鐘正餐先上, 令到我地有大把時間飲酒...佢地好多都飲到醉晒, Hara san & Ohashi san都醉左, 各自都要人攙扶返屋企;
而我都飲得唔多, 都係三杯紅酒je, 就已經有WING o既感覺, 係暈暈地咁, 係我O既第一次, 但係我係行到直線架吓, 嘻嘻~~
玩到成11點先走, 今晚食飯都好開心, 同事之間可以交流下, 特別是同火炭office o既同事, yeah!!

但係法國餐不愧係法國餐, 上菜慢之餘, d份量仲好細, 好彩我都食左兩小塊多士頂肚, 唔係以我呢大食積都可能會唔飽, 嘻嘻
唔怪得法國人個個都咁苗條啦, 高高瘦瘦咁, 好羨慕呢~~~

小燭台

干邑龍蝦湯

生蠔

西柚雪芭

炭燒澳洲羊仔鞍配露絲瑪利醬+配蒜香橄欖油煙肉意粉

香煎法國Rougie鵝肝配野莓汁

香煎法國煙鴨胸配香橙蜜糖汁

焗酸蟹蓋配香草薄荷汁

暖心朱古力蛋糕配雲呢拿雪糕

一家人打邊邊

10-Dec 今晚高仔黎我屋企同我family打邊邊, yeah~~
放左工高仔車我返屋企, 買左兩大枝竹蔗茅根水返去.
我地屋企打邊邊好清淡架: 有清湯底, 肥牛就唔少得啦, 仲有龍蝦丸, 牛丸, 墨魚丸, 芝心丸, 爆醬丸, 廚師腸, 芝士腸, 豆腐, 山根, 魚皮餃, 菜肉水餃, 白蘿蔔, 小唐菜, 生菜.
一家人坐埋一齊食飯真係好開心, 感覺好好...個個都食到肚爆咁滯, 哈哈

高仔家後山探險

9-Dec 今朝早去高仔家後山探險, 因為我一直都好好奇, 對呢個地方好有興趣; 而且都好想去佢小時候玩o既地方, 嘻嘻...
一出門已經見到好多狗狗吠我地啦, 雖然全部都喺屋裡邊, 但係真係驚架, 佢地好惡, 好驚佢地走到出黎咬我....><''
行山o既感覺好好, 空氣超級清新, 沿途見到好多大自然o既野, 仲有高師傅詳盡o既講解, 哈哈.
好耐都冇試過行山啦, 好鍾意行山呀!!! 行左大約半個鐘, 喺高仔屋企食埋 lunch 就下山歸家啦...
下晝同媽咪去買餸, 準備第二日family打邊邊....好開心呢~~

充實的一日

8-Dec 今朝同高仔去鰂魚涌做糖果問卷, 咁岩係咩"URBAN ART 開幕", 咁我地咪喺到睇左一陣先走囉.

好多人喺到跳舞架, 但係佢地跳o個d舞好特別架, 唔知仲乜咁, 好深架...仲有d人扮鬼扮馬tim...

 

晏晝就返沙田同愛倫影畢業相啦, 佢都係尋日先約我jar, 但係我同佢係好耐好耐冇聯絡架啦....仲有CWAI, 陳毅華同陳子謙....  四點半到我就返大圍啦..... 

 

P.S.以下係我o既好朋友o係日本帶返黎比我o既手信.....yummy　yummy～～～

夢中奇緣

5-Dec 尋晚發左個令我好回味o既夢....就係我係夢中見到陳豪!!
故事發生在曾記校園裡面,呢日係開放日, 阿Mo同我都係曾記畢業o既學生, 我見到佢自己一個人坐o係到好悶咁, 我應該同佢好熟架, 我跳埋去拍左佢一下, 之後我就陪佢行啦.
跟住阿Mo肚餓, 我地就決定左去新城市食野啦.
畫面一轉我地就去左睇戲啦, 但係唔係正常既戲院黑蚊蚊o既, 係好光架, 仲要係企o係到睇o既, 最奇怪係Q版張韶涵騎係我膊頭上...
o係夢中, 我同阿MO係好friend o既, 但又未去到男女朋友喎, 不過就充滿住愛, 關心同快樂....真係好溫馨, 好sweet

海鮮拼盤大餐@Fish & Co.

3-Dec 今晚高仔陪我食 Fish & Co.o既海鮮拼盤雙人大餐, 好開心呀, 因為個大餐真係好好味呀~~~

雖然我覺得都幾貴架, 要成$300, 但係都真係幾足料, 唔單止個拼盤大個, 個甜品都好有份量tim...係雪糕蛋糕, yummy!!

真係食到抱住我肚仔走呀....

深圳兩日一夜

1-2/Dec 今日同高仔返大陸, check in左就去食左面點王食lunch啦.
可能太耐左食啦, 一食返真係回味無窮: 小籠包, 煎九菜餃, 牛肉拉麵, 薯仔絲卷, 真係好美味呢~~~

食飽飽之後去左東門行街街, 買左一條黑色連身裙, 一對黑色長boot(有成3吋幾高架, 著左高人一等架), 同埋一個啡色手袋;

仲有, 買左件間條線衫比高仔, 都叫做滿載而歸啦...嘻嘻

跟住我地就去左萬象城對面o既書城行左一陣啦, 都搵唔到我想要o既書, 叫唔知咩女人男人咁架, 我都唔係好記得, 好失望, 可能要o係香港買tim la...
夜晚o係萬象城個food court到食, 味道麻麻地je, 下次唔食呢個 ><''
返酒店前去左7-11買左兩個杯麵, 先係$4, 好抵...食埋杯麵就訓lu...

第二日冇去邊呀, hea到12點幾先check out, 之後去左金光華食"馬拉爸爸", 都幾好味咕喎...值得再黎~~
坐我地隔離抬係一個鬼鬼地既女仔同一個男人, 佢地係講歐洲文架, 即係唔知係法文, 意大利文, 西班牙文o個種, 好特別, 而且個女仔都幾fashion同charming...
之後行埋Wallmart就走lu, 今次個旅程好早就完結啦!!!

夜晚睇完明珠台o既"Love Actually"先訓...