生日快樂with高仔@Ocean Park Part Two

Our Lunch on Ocean Park

 

第一次去o既雀仔館, 見到一地都係蟲仔, 好核突呀!!!!高仔就好興奮啦, 可以同雀仔影相, 仲話買左部大舊衰Nikon D300一定要再黎影tim~~比佢激死

生日快樂with高仔@Ocean Park Part One

21-Jan 今日係我生日o既大日子呀!!!一早起身整芝士蛋三文治比高仔做早餐, 因為佢揸車同我去ocean park, 好辛苦架

 

去到ocean park登記左, 就換到一張免費入場券啦, 入場時工作人員仲同我講"生日快樂, 玩得開心d啦", 一個窩心o既感覺, 嘻嘻....

我地乜都去玩, 但係發覺有好多都裝修緊, 日本花園, 極速急流都冇得玩; 仲有d拆左tim呀, 例如恐龍館, 蝴蝶館, 集古村都冇左呀, 真係可惜.

生日前夕<<Surprise>>

20-Jan 今日原本約好媽咪, 老豆同細佬去飲茶架嘛, 點知老豆甩我底唔去喎, 幾唔比面我呀, 咁我地三個就冇去飲茶啦.....下晝我同細佬陪媽咪去惠康掃貨, 細佬好醒咁有$400八逹通積分, 嘩, 好happy, 好似唔使錢咁呀, 但係原來宜家$400好快就使晒架啦.....

 

今晚family同我食生日飯, 所以特別好餸, 有我好鍾意o既蝦炒蛋

最surprise係>>>高仔放左工黎陪我過十二點, 真係好surprise呀, 我同佢講電話, 仲以為佢揸緊車返屋企, 點知原來o係我屋企門口啦, 嘻嘻!!

佢仲帶左佢親手整o既strawberry黑森林蛋糕黎tim, 我真係好開心, 佢親手整o既蛋糕一年先得一個架jar, 好矜貴架~~~~

我今年o既生日願望係咩, 唔講得架, 講左唔準架, 哈哈!!!

告別BB毛

19-Jan 今朝去工聯會買左一張ocean park o既入場券比高仔, 準備星期一同我去ocean park慶祝birthday~~~

 

之後同Sonia出銅鑼灣, 去佢個friend到做手手laser. 上到去佢個friend間美容中心, 佢又冇勁sell我地join呢樣join個樣喎, 咁都好, 我最唔鍾意呢d架啦~~~

抱住試下o既心情去做, 又期待, 又肉痛, 咁就冇晒d BB毛毛啦, 好唔捨得呀, 跟左我廿幾年架啦....

 

感覺呢到冇Bella咁professional, 都好驚晒錢唔work架, 不過都冇計啦, 比左錢只好期待奇蹟o既出現啦~~~帶Sonia去食榮記, 係好出名o既車仔麵檔, 我食左個牛丸魚腐油麵, 真係好好味, 特別是個湯底, 正呀!!!

 

食飽飽去左渣甸坊買左對格仔絲襪就走lu....

Dinner with 阿多&Sonia@荃灣稻草人

18-Jan 今日我多野做到嘔, 搞到個心情都有d down, 冇乜mood咁, 做到成8pm得返我同Ohashi san, 如果唔係佢叫我走我都未諗住走. 一來呢幾日真係好多野做, 又有新客跟; 二來因為我星期一放假, 所以要交底d手尾比同事, 我呢d好有責任心好負責任架嘛!!!

 

之後啦啦臨搭車出荃灣, 因為今晚約左以前日通同事Sonia同阿多食飯, 呢兩個係到宜家都仲會聯絡o既朋友仔. 我同Sonia到左, 阿多都仲未放工, 我地就o係稻草人等佢啦, Sonia仲寫左復活節去日本o既行程比我tim.....

等到9pm, 阿多終於出現啦, 我同Sonia肚仔都餓扁啦, 同佢地食飯好開心架, 乜野都講一餐笑一餐....我地仲講到間舖打烊先捨得走tim~~~

 

因為可能太耐冇見啦, 對上o個次出黎已經係上年9月o既事, 八個女仔一齊出黎打邊邊, 不過其他人都冇心o既, 原本約實左又個個甩晒底, 最有heart咪就係我地三個囉!!!

高仔dinner@my home

17-Jan 今日高仔放假, 佢黎接我放工, 不過我呢兩日都好多野做, 要7點先走得...

我個同事Teddy仲o係到講笑, 話我今期受重用, 所以好多野做, Ohashi san乜都比我做, 哈哈~~~

 

今晚高仔黎我屋企食飯, 不過得三個人食, 細佬出左街, 老豆又加班未返, 我叫媽咪整煎薯餅, 因為高仔未試過食薯餅做dinner, 但我屋企就會~~高仔已經成為我家o既一份子了, 媽咪同細佬都會問我佢幾時過黎食飯, 佢地話佢一星期起碼會黎一次, 已經係例行公事了, 哈哈

拜訪Mansfield with Ohashi san

15-Jan 下晝同Ohashi san去我個客Mansflied到送禮, 係贊助人地annual dinner o既禮. 咁岩個同事下晝請左sick leave, 返到黎做到我死死下; 其實我都可以唔去啦, 又唔知點解要帶埋我去喎.....本來要同Ohashi san出去, 我都有d驚架, 因為都唔知同佢講乜好, 好彩今次感覺都幾好, 都叫做多野講, 公事私事都有傾, 特別是回程o個時