高仔家拜年

10-Feb 今朝好早起身去做facial, o係街到見到一隻好大隻o既mouse喎....

 

高仔就黎接我去新港城啦...估唔到會見到黎芷珊同胡杏兒做show喎...

 

去百佳起級廣場買左盒蠔油禮盒裝去佢屋企, 仲買到整朱古力o既模tim, 嘻嘻~~~

今日唔係佢咁多個阿哥家姐都有黎, 因為佢地一早黎拜左年啦, 所以今日就冇黎啦, 但係我都逗到四家人o既利是

我同高仔d家姐阿嫂兒甥玩三公, show-hand, win左十幾蚊, 哈哈, 我之前都未玩過, 不過又真係幾好玩喎!!!

佢屋企人個個都好nice, 我都希望高仔同佢屋企人個個都身體健康, 生活幸福快樂~~~

6-9 Feb回我媽的家鄉塘尾過新年

6-9 Feb 又係一年一度o既農曆新年啦, 祝各位朋友仔新年進步, 身體健康, 笑口常開, 心想事成!!!

年三十, 放四點, 一放工就坐巴士到沙田火車站同屋企人會合, 年年都冇乜人過關, 今年都唔例外; 個半鐘到就到達羅湖口岸, 二舅父都o係到等我地lu. 一上車我同細佬就訓覺, 因為真係好似好累咁

 坐左半個鐘就到lu, 宜家返黎真係好快!!

 

今年鬼仔阿Sam (嘉嘉表妹個bf) 同嘉嘉都同我地一齊過年, 多人玩都開心d, 好開心呢~~~ 今年可以打麻雀啦, 我已經好似兩三年冇打過啦, 好興奮, 估唔到阿Sam都曉, 哈哈...除左打麻雀, 我地都玩左偵探遊戲, 好難玩, 好考頭腦!!

 

又去左婆婆公公間舊屋拜年啦, 仲食左好多野tim呀我, 有d野一年先食一次架jar, 例如開心果, 角仔, 所以放肆左少少, 嘻嘻~~

 

不過呢到真係比香港凍好多, 可能係間屋比較大同空曠, 成日都好陰涼咁, 而且d被又唔夠暖喎, 我第一晚就已經冷親, 不停打乞痴, 維持左兩三日就冇事lu.

 

總括黎講, 今年新年都好開心, 係凍左d, 冇玩到煙花, 但係相處融合, 仲影左好多相tim, 最後我比左$1600婆婆同公公買野食, 當係我做外孫o既小小心意 (我出黎做野以黎第一年比錢佢地兩個老人家jar), 跟住二舅父就車我, 細佬同老豆出羅湖啦....

 

今晚同細佬, 老豆去左泰國人海南雞飯食, 都唔抵食o既, 又細份, 又貴...

 

***一年好似過得好快咁, 今年係第一年冇左賀平舅父一齊過......上年呢個時候, 賀平舅父都仲o係到, 不過佢身體已經出現毛病啦, 佢個腰骨已經好痛, 企又唔係坐又唔係.

估唔到一年後佢已經去左天國, 唔再o係我地身邊

 

今年大家都好似好避忌咁, 刻意咁唔提起賀平舅父, 大家都唔想諗起d唔開心o既野, 但係又好掛住佢....我知道有d野過去左就係過去左, 唔可以返轉頭, 佢亦只可以永永遠遠o係我心裡面出現. 新o既一年, 希望我o既親人都可以健健康康, 開開心心咁生活!!

2008年花市@維園

4-Feb 今日做到九點先放工

, 之後就同高仔出維園行一年一度o既花市, yeah~~~

高仔揸車, 我就食佢帶比我o既飯盒, 半個鐘就出到去lu, 好快!!

 

今晚都唔算多人, 可能我地早行啦, 因為我年三十要返大陸, 所以就提早行花市啦. 今年d野貴左好多, 我都唔捨得買野, only買左揮春同魚魚

 

但係見到張繼聰, 謝安琪, , 阿Jan同Oscar喎, 呢檔多人都爆燈, 點迫都迫唔到埋去

行到十二點半就返屋企lu, 因為聽日仲要返工....

Free facial@朗豪坊Rennex

2-Feb 今日同高仔去左名將食拉麵, 都係麻麻好食, 之後佢就返工啦....

我就好free, 首先出尖咀還有線個modem機, 之後去左旺角朗豪坊Rennex做咩面部增生療程, 聽落好似好好咁架, 個效果都唔錯, 最衰我咩啦, 如果唔係一定join呢個, 唉~~~都冇計啦, 只可以之後先諗呢個lu....接住仲去試埋個underarm laser, 好痛呢!!

行左尖咀同朗豪坊o既Seibu, 都冇樣野岩, 仲有$200coupon都唔知點算啦...

公司Annual dinner@旺角金龍船

1-Feb 今晚做到八點半先走, Ohashi san, 我同Corgi一齊搭的士過去.

如果唔係Teddy要坐飛機趕返四川, 我一定會同佢坐, 話晒同佢熟d嘛, 今次我坐o係Patrick隔離...

去到好多餸都凍晒啦, 但係Patrick都留左鮑魚, 乳豬比我食, 嘻嘻~~~

跟住就到壓軸節目啦, 就係抽獎環節, 每個同事都會有一份禮物o既, 我抽唔到大獎呀, 大獎有$1800cash, 但係都好過冇, 我抽到$500cash, 哈哈

旺角沙嗲王&NikonD300 with高仔

29-Jan 今晚放左工同高仔出左旺角, 佢話好想睇相機, 咁我就如佢所願啦....

我地去左"沙嗲王"食dinner, 叫左個泡菜肥牛石頭鍋飯, 芝士年糕, 越南豬肉粉卷同兩杯飲品, 兩個人都好夠啦, 食到好飽tim ar, d野都幾好食o既, 但係我覺得價錢貴左少少啦....

 

之後我去書店買左一本上次見到冇買o既書, 係<<會撤嬌的老婆最幸福>>, 好開心, 本書想買好耐呢!!

跟住同高仔要睇相機, 佢好想買o個個大舊衰D300, 真係好貴呀, 部機身加個鏡頭要成$20000喎, 我都唔係好想佢買, 但係d錢係佢o既, 而且佢又真係好想買, 咁就算啦, 批准佢買啦

 

但係佢要應承我起碼五年唔換得相機, 鏡頭同accessories就遲d再申請啦, 哈哈~~~講到我好惡咁

不過佢開心就得啦....但係最緊要係善用部相機, 幫我影多d靚相, 唔可以only影風景架!!!

忙碌的一星期

27-Jan 今個星期工作都好忙呀, 平均都要7點幾八點先可以放工, 都係生日放左一日去玩je, 但係感覺係忙足成個星期><''

雖然係忙, 但係都好開心o既, 因為岩岩過左我o既牛一嘛, 收左好多朋友仔送o既禮物, 連兩個好同事都有送小禮物比我呀, 嘻嘻~~~

Teddy送左70%黑朱古力, Corgi仲親手整左杯咖啡味cheese mosses比我tim, 好多謝你地呀.....

不過最慘就係出左沙田做左件令我好後悔, 好心痛o既事, 我真係好蠢好蠢呀, 點解咁都中招架, 好嬲自己呀

o個一刻真係好無助, 好驚, 但係已經挽救唔到啦