Day 2-日本之旅 (築地魚市場--銀座玩具博物館--台場+大江戶温泉) Part Three

終於排到我們了....我叫左最standard o既set (盛惠3150yen), 而高仔就叫左個高我一級o既set(盛惠3950), 我地每件share食, 可以試唔同o既壽司, 佢仲比左件海膽壽司我食tim, 因為係我o既至愛, 真係好好味啊!!!

 

Day 2-日本之旅 (築地魚市場--銀座玩具博物館--台場+大江戶温泉) Part Two

繼續逛逛築地的橫街窄巷.....廟宇一座

 

Day 2-日本之旅 (築地魚市場--銀座玩具博物館--台場+大江戶温泉) Part One

22-Mar 今朝我地好早起身向築地出發, 務求要食最新鮮o既魚生&壽司 (因為愈早就愈新鮮架)...

Day 1-日本之旅 (香港機場--日本成田機場--新大久保河本屋民宿) Part Two

河本屋, 都唔係網上面o既評語寫得咁差啫, 間房係細左少少, 但環境都好乾淨企理呀, 呢到就係Sonia, 高仔同我o係日本住6晚o既地方啦, 住6個晚上都係仟幾蚊, 算係抵架啦; 點解我地唔住酒店, 因為要慳返d住宿錢, 豪食野同買, yeah!!!

 

Day 1-日本之旅 (香港機場--日本成田機場--新大久保河本屋民宿) Part One

21-Mar 原本早機去, 變左下午16:20 CX508, 所以我地有時間o係椰林閣食埋lunch先坐高仔book好o既7人車由大圍出發去機場.

 

日本之旅前夕

20-Mar 日本之旅即將開始, 緊係要執埋工作上d手尾, 務求另back up我o既同事冇咁辛苦啦, 人人為我, 我為人人嘛~~~點知黃昏時發生左件好驚o既事--->高仔打去西北航空re-confirm, 發現冇我地個名, 真係驚今次日本之旅凍過水, 仲要比晒錢架嘛, 我唔理三7廿一, 先收拾行李先, 準備好我呢6日著o既衫, 要用o既野. 經過一大輪電話攻勢後, 在晚上十一點幾終於confirm去得成啦, 但係就由早機變左下午機, 就咁冇左第一日o既假期lu...

提前慶祝老豆Bday

19-Mar 今日提前同老豆慶祝Bday, 正日係係聽日, 但因為去日本前夕, 要執野....所以我地叫左外賣pizza食, 又係芝心鮑魚汁三重芝心批, 媽咪同老豆都未試過架, 真係好好味, 高仔都有出席!! (我屋企兩個老人家, 返左屋企就唔鍾意出街架啦

) 我仲未諗到送咩比老豆呀, 諗住o係日本買返黎, 但係都唔知買咩好

Cycling with 高仔

18-Mar 放左工同高仔去左踩單車, 7點半出發, 咁岩佢同事有架單車o係公司, 所以我同高仔就可以一人一部啦, 好好玩呀, 我都未試過夜晚去cycling o既

我地由石門出發, 沿住城門河向大圍方向, 再兜返去火炭過大水坑返石門, 雖然踩左唔係好耐, 踩到十點幾, 但係都叫係做過下運動呀...

 

係中途仲見到無線set緊機, 可能拍野喎, 但係見唔到明星....

護膚品問卷@灣仔三湘

17-Mar 今日放左工去灣仔三湘做問卷, 今次係護膚品問卷, 做完攞護膚品返屋企試用, 十日後做回訪....原來係我上次試用小林製藥去水腫襪o個間喎, 哈哈

登高@馬鞍山郊野公園

16-Mar 今朝同高仔行左上馬鞍山郊野公園, 嘩, 有好多人BBQ呀, 小朋友, 大朋友play badminton, football, 好開心, 我都好過去燒埋一份tim~~~我地行下行下, 影下相, 呼吸下新鮮空氣, 好正, 好鍾意呢種天氣, 呢d天氣最好去郊遊啦