吊手岩-->馬鞍山-->牛押山 - 風景篇

又忍唔住要去行山啦, 因為我真係好鍾意行山, 好鍾意大自然, 好鍾意蝴蝶!!!

上年行過一次吊手岩, 但行左一個小圈, 係利安落山. 今次再行, 我要去埋牛押山同石礦場呀!!! 早上十一點, 我地由馬鞍山燒烤場出發....                        

經過第一個用繩爬既地方           

上到黎吊手岩, 好開揚既景色呀, 呢到係馬鞍山昂平

連大圍沙田都見到架

辛苦高仔啦, 佢要揹埋105VR上黎比我影蝴蝶....

我就負責揹水.....但開頭我都行得好開心, 好興奮!!!

馬鞍山, 大學, 大埔.....

但今日都好熱, 好曬呀...

再上到黎馬鞍山啦, 好威!!!

高仔行到面無表情

休息一陣再繼續行

又黎到呢到啦, 綠林通道~~~ 周圍d灌木都高過我架, 好刺激啊!!!

開始累啦, 見我個樣咁辛苦都知啦.....黎緊我地就要行牛押山, 就係沿住我後面個山脊行啦.... 左右都係懸崖呀

終於到左呢次旅程既最高點啦, 有兩個行山人仕仲要拎埋好重既裝備上黎影相, 勁呀!!! 我相信佢地一定係好愛好愛影相啦!!!

藍天+白雲=熱!!! 沿途都好崎嶇, 上山同落山都要用繩, 一定要用手先安全, 好彩我帶左行山手套, 加上我重心比較低, 所以冇咁危險

行到四點幾, 已經好辛苦, 好想叫飛行服務隊黎救我啦, 行到想死咁呀!!!! 行下行下見唔對路喎, 都唔係由石礦場落既, 但都冇辦法, 唯有繼續行, 最後行左麥理浩徑, 由恆安方向落山......捱下捱下終於有水源, 呢條係馬鞍山村既小溪, 即係話就快到目的地啦                              

超級清涼呀d水~~~~我累到不以人形啦

真係好累呀, 我發誓我短時間都唔會再行馬鞍山!!!!

Conny's Wedding - Part 2

到左酒店, 又唔使搞佈置, 因為酒樓包埋, 所以我有少少時間去影相啦

係Reception扮下簽名先 (其實我係第一個簽, 哈哈) 

個場都ok靚架, 我都好鍾意!!!   

正正方方, 樓底又夠高

少女的祈禱                     

好肚餓呀, 食返件朱古力tart先, 好味道!!!

呢個係夜晚既手花               

第二個花球都好靚呀, 可惜我搶唔到花球呀, 如果搶到就可以帶返屋企啦

新郎同我地......一樣高

祝一對新人白頭偕老, 永結同心!!!

要幸福快樂過一輩子啊

Conny's Wedding - Part 1

尋晚去舅父冠峰園到過夜, 真係好明智既選擇!!!! 今朝六點三先起身都得, 六點半落樓下搭八折綠的, 二十分鐘就到天水圍天瑞邨, 先係$5X, 呢$5X真係好抵!!!

Conny係我舊公司既同事, 呢幾年都有keep contact架, 佢既大喜日子都預左我做佢姊妹, 係我既榮幸呀!!!

我係第一個到, 連化妝師都未到囉~~之後又係第一個set頭同化妝, 呢個頭我係網上搵架, 覺得好靚, 疏左呢個頭會好feminie, 岩晒我 比化妝師睇相, 佢都整返出黎, 勁!!!                          

完成啦! 本人覺得都幾好睇呀                             

好多新娘既親戚都到左, 我地呢班姊妹們亦做好玩新郎既準備啦!!!           

足足遲左四十五分鐘先接新娘, 飲好茶就出發去男家啦

手花, 好靚, 真花黎架

由天水圍去觀塘男家到都差唔多一個鐘, 搞好男家既儀式, 我地終於有得休息下啦...兄弟姊妹一齊去飲茶!!! 點解呢間酒樓冇我最鍾意既馬拉糕架!!!!             

新娘子今日好靚呢                             

去男家到hea左陣就去酒樓打點啦.....

借宿一宵

今晚係TST上完堂, 即刻坐MTR入屯門去舅父到借宿一宵, 因為聽朝要7am到天水圍呀....勁早, 如果由屋企過去, 我諗我起碼要5點幾出門口呀 所以就去舅父到, 第二朝6:30坐的士過去 

因為我唔係好識路, 特別係入黑, 我完全認唔到係邊到, 舅父好好呀, 佢係巴士站接我

Tea Time@肯德基

尋日遊船河應該係太累啦, 足足訓左十一個鐘 好滿足喔~~~之後同高仔去新城市食tea, 好耐冇食過肯德基