7點幾, 大係時候睇日照金山啦, 不過因為我地o係梅里後面, 所以睇到既都係一小部份既日出
原來真係好凍, 連d樹都結晒霜呀
呢間客棧都算好啦, 起碼有熱水沖涼, 雖然洗唔到頭, 仲有熱暖氈tim ar...
辣椒仔
鴨仔
騎馬既價目表, 我都冇諗過係咁貴既, 但唔騎又捱唔到!
住左兩晚既房間
騎馬仔離開呢個0污染既地方啦, 希望呢到可以保持佢既純樸啦!!!
小朋友每日都要行上45mins去上雨崩村上學, 行得仲快過我地騎馬囉, 好犀利!!!
尋晚下雪了, 周圍都見到雪
騎到上亞口, 我地又要行上三小時落山啦
師傅全程徒步都跟得上我地, 即係佢同馬既速度一樣@@
到左西當, 到師傅用精神開車返去飛來寺啦
如果由右邊繼續開六日車, 就去到拉薩啦, 你見到遠處既雪山, 已經係拉薩既範圍內架啦
開左7-8個鐘頭車, 我地到左飛來寺既酒店啦, 食左個面, 個個見到有wifi都急不及待要上網, 香港人真係一日唔上網都唔得架, 哈哈
行左咁多日路, 兩隻腳趾公同二趾都起左好大好痛既水泡@@
一路行, 見到一個以前既冰川, 好可惜, 宜家既冰已經融化啦....
近睇真係冰黎架
終於到左神瀑啦, 因為冬天既關係, 所以水唔係太澎湃...
高仔好勇敢, 連羽絨都除埋去感受神瀑之水
師傅邊唸經邊帶我地去祈福, 圍住神瀑行三個圈, 師傅唸經愈大聲, 神瀑既水就愈大.....神瀑真係好有靈性!!!
高仔凍到震...表情都冇埋
留底左我地既合照
希望神瀑祝福我地
真係臨走要朝拜下先...
竟然有間屋仔o係山上, 有咩人會o係到訓呀, 咁凍?? 師傅話係黎轉經既藏人喎...
沿途同師傅都好好唱口, 一齊高聲唱歌, 真係好鍾意呢到咁free既感覺呀!!! 師傅同我都有飲呢d咁清新既山水呀
行左三個鐘左右, 終於返到黎我地住既神瀑之家
冇啦啦出現既鬥牛遊戲
廚房 
又到晚飯時間
超油既炸薯條
由麗江一路上到明永冰川, 我地都去左啦!!! 下次既目的地係西藏!!!
今晚又出去影星星, 下雨崩村比上雨崩村仲多星星呀!!!
真係好靚!!!
尋日真係太累啦, 我簡直要黎個大昏迷呀, 尋晚好似八九點就上床訓覺, 訓到今朝十一點先起身呀, 好舒服啊~~一出客棧, 陽光普照, 冇左尋日既毛毛雨, 所以臨時決定去神瀑啦....
休息過後, 體力都恢復啦, 所以心情好好呀!!
沿途都見到好多小瀑布...
人死後會有秤去磅善惡, 秤有兩邊, 一邊善一邊惡, 如果善果邊低d就會上天堂, 惡重就會去地獄..石仔吊起黎係想將自己善果邊重d..
瑪尼堆, 係藏人祈福既一種方法
神瀑就o係前面既右手邊
行到肚餓仔, o係中途站又食個方便面
呢條路比起尋日既冰湖之路易行好多....起碼唔會行到想叫飛行服務隊
高仔好似好有目標咁呀, 哈哈
天氣真係好好呀!!!
好似仙景咁..... 但係我地幾時先到架, 點解行左四個鐘都仲未到呀
落住毛毛雨, 真係凍到毛骨悚然呀
行到好累啦, 腳都已經唔係屬於自己啦
行左五個鐘, 終於....終於到左大本營, 呢個只係去冰湖既中途休息站....前面仲有漫漫長路要行呀><
搵左間屋仔入去透個火煲個水煮個方便面食, 真係唔想出去呀, 出面天寒地凍....
休息完我地要向冰湖進發啦!!! 今次師傅留o係屋仔等我地, 我地自己上冰湖....點知....我地竟然迷途路了>< 師傅見我地走錯方向, 向住雪崩之路行, 佢好緊張咁跑上黎搵我地, 但係佢未到之前, 我地好想行返冰湖既方向, 所以向住森林狂爆, 希望慳返d時間去到冰湖.....
最後.....好可惜, 我地都已經唔夠時間去冰湖啦, 因為上冰湖都要一至兩小時, 仲要預四小時下山.....好遺憾呀, 咁辛苦行到上黎, 都上唔到冰湖....
冰湖應該係咁既....真係同佢有緣冇份啦
影唔到冰湖, 唯有影下冰啦....仲記得我地爆林時聽到轟轟隆隆既聲音, 原來係雪崩呀...
冰層
隱約都見到冰下的藍, 呢d就係上幾千年既冰啦, 可惜, 宜家都融化到曝露左出黎
大家都拖住疲乏既身體下山了....
走上四小時到逹客棧, 已經七點幾, 休息了一會又要趕路啦....我地今晚要到下雨崩村, 所以辛苦極都要行, 行上45分鐘, 終於到下雨崩村....我地連講野既氣力都冇, 食好飯就沖涼訓啦. 今晚勉強都可以有熱水沖涼, 但洗頭.....簡直係妄想呀, 因為就算你洗左頭, 都冇風筒比你吹頭, 所以如果你唔怕第二日會頭痛到爆既話, 你即管可以試試. 我就因為這個原因, 已經四日冇洗頭啦....個頭, 唔使落gel, 都已經成個郭富城咁啦
難頂死啦!!!
今日, 係我咁大個囡, 有生以來最最最最最最辛苦既一日!!!! 行左十幾個鐘, 每行五步就要休息廿秒, 成個身體都累到不得了, 特別係對腳, 就快要斷咁呀, o個一刻真係好想有飛行服務隊黎救我呀, 但我知道黎到呢到, 唔會有人救到你, 救到你既只有你自己, 呢種辛苦我呢世都唔會忘記架!@@
