中秋佳節

今日有得放早兩個鐘, 先入馬鞍山做facial, 今日做facial都算舒服, 冇比人狂sell  仲有一次就完晒, 唔使再踏入MB啦. 時間岩岩好, 高仔放工黎接我去佢屋企做節. 差唔多個個兄弟姊妹既家庭都到齊, 所以好搞笑咁係庭院開飯, 好彩今晚都算清涼. 二哥買左三個孔明燈, 我地都好興奮, 個個圍住睇放孔明燈, 哈哈.......


第一個, 戰戰兢兢, 睇住孔明燈向天上升, 好開心呀


但地勢同風勢關係, 佢突然向下沉, 消失左係我地既視線, 個刻個心好擔心, 因為好擔心會燒著d樹, 引起山火, 好彩.......佢又再出現係我地既視線啦, 仲好成功咁不停向上 yeah!!!! 第二, 第三個都好成功放左上天 

一年一次既觀月活動又黎啦, 高仔又拎佢支"天文"望遠鏡出黎, 大家都好好奇睇大月亮 haha

小朋友既玩燈籠, 大朋友打麻雀, 玩啤牌, 好熱鬧呢!!!

 

 

 

 

 

 

 

勁嘆燒烤場@元朗錦上路

一年一度既BBEHK中秋BBQ又到啦, 今年又係元朗錦上路既勁嘆燒烤場!!!

六點半, 高仔揸車入去, 半個鐘左右就到啦!!! 已經有唔少人到左啦!!! 勁嘆燒烤場係任食既, 包一枝水同一罐飲品, 呢到既食物選擇都唔少, , 而且好夠味, 但肉類全部偏咸, 可能想我地買佢地既飲品吧 

涼風送爽, 呢d天氣BBQ真係very good啦!!! 玩到十一點左右回家, 高仔第二朝仲要返早呢, 可憐

自戀corner

今日自己化妝去Vivien婚禮

今日塗左深藍色眼影

戴左小雲眼鏡既造型

呢個好似miss look hehe

 憂鬱look

Vivien's wedding@皇家太平洋酒店

今日係同事Vivien既大日子, 今次既宴客形式係lunch buffet, 我都係第一次lunch去飲.....

長方形既場地佈置簡單, 台略嫌細小, 但當中都有溫馨場面, 可能我比較眼淺, 一遇到呢d場合就會好容易被感動

因為一圍唔夠坐, 我, Ethan同Rachel被編排到另一圍坐, 我地唯有自得其樂......皇家太平洋酒店既自助餐一向都不錯, 今次都有好多選擇

甜品更係我既至愛啦!!!

今日既打扮係咪好得體呢hehe

祝福一對新人白頭到老, 永結同心!!!
呢張相真係影得好奇怪, 左邊個個企直, 右邊變晒小矮人, 個攝影師真係好唔得, 應該幫我地執執位架嘛

蝴蝶普查@榕樹澳&深涌

高仔今日放假, 陪我去做蝴蝶普查呀, 我地自己揸車入去, 泊榕樹澳村都係HK$30一日, 都抵呀. 今日都好熱好曬呀, 行呀行呀, 沿途既蝴蝶比上個月少左好多, 所以我地行得比上次快, 兩點左右就完成今日既蝴蝶普查啦

去惠康買左烏冬, 芝麻醬, 飲品先返高仔屋企, 第一時間沖左個涼, 之後我地自己煮野食, 冷烏冬蟹柳撈芝麻醬, yummy!!!

今助@沙田新城市

健健, 講得出做得到呀 haha

好多謝健健請我食飯呀, 黎試呢間7F新開既日本餐廳-今助, 等左45mins, 終於到我地啦 yeah!!! 我地.....真係好大食, 叫到成枱都係野食

健健食得好少, 都係Winnie同我包底 呢間野味道都幾好呀, 價錢就中上, 即係貴貴地.....

 

仲有半島既奶黃月餅做甜品tim yeah

心太軟@傳師傅

返學, 又要返呢科好悶既marketing 高仔黎接我放學, 仲有好好味, 好值得推介既心太軟食呀, 真係好好好開心呀!!!!

高仔既雪糕雜果涼粉

朋友造訪

今日Corgi同佢男朋友Tin造訪呀, 事緣係Corgi要問我借衫去飲, haha....佢揀左幾套衫, 仲試埋我d姊妹裙, 大家傾下計, 說說笑笑, 好開心呢!!! 佢地好客氣買左個cheese cake比我, 我緊係邀請佢地試下我媽咪既大廚手勢啦, 大家都食得津津有味呢

拍拖拖@沙田新城市

今晚同高仔去拍拖拖, 緊係又食日本野啦, 高仔次次都話要食日本野!!! 食完過左連城既旅行社睇資料, 因為我地想十一月去新加坡, 但係真係好貴呀, 點去呀!!!!

呢身打扮好陳豪呀, 如果高仔都咁著就好好了

肥恩既姊妹裙

出去拎完肥恩造比我既姊妹裙後, 返沙田做個facial先返屋企

返到去啦啦聲試下先, wow.......好大件同好長啊

著左對4寸高既高踭鞋都仲要拖晒地呀, 睇黎要大執下先得啦