Flora 咩咩仔的小花園

Flora 咩咩仔的小花園

2011/10/12

3D Shark Night & 詠藜園四川擔擔面@黃埔

真係冇諗過3D Shark Night上左都未夠兩星期, 就話就快落畫啦, 我諗呢套野真係唔係好收得啦! 好彩今日上網睇下je, 如果唔係就浪費左Elle.com送既兩張免費戲飛啦.


完全冇心理準備今晚會去睇3D戲, 所以我戴左眼鏡, 冇自備3D眼鏡, 臨急臨忙睇下邊個戲院方便仲有位, 仲要睇下周圍有咩好野食, 最後揀左黃埔嘉禾. 貪佢唔使比錢租3D眼鏡, 有免費泊車, 周圍又多野食, 我地又未去過呢到睇戲. 由沙田揸車出去好快, 唔使25mins就到, 換左戲飛, 我地去左好出名既詠藜擔擔面.


黎到都唔使等位, 可能我地仲早, 未到7點


佢個擔擔面唔算貴, 唔辣加左肉碎都係$30, 湯底濃郁, 稀結岩岩好, 好味道!


雞絲粉皮, 麻醬唔夠啦, 味道比較淡


小籠包, 一入口好多肉汁呀


奶油津白, 味道怪怪的 可能我食唔慣呢個吧


生煎包, 好香口喔


岩岩好食滿$200, 有3小時免費泊車

食完仲有時間逛逛街, 幫高仔睇下d皮鞋先去睇戲. 呢個backpack好適合我呢個小朋友用喎haha


Double glasses睇3D戲真係幾唔舒服, 好醒目既高仔自製左一個好方法, 睇3D戲都唔會有問題啦 可惜裡面太黑, 影唔到比大家睇, 下次有機會啦


睇完完全明白點解套戲咁快落畫, 超現實既一套笑片, d sharks識飛架, 勁呀, 一邊睇一邊笑, 哈哈, 不過難得既免費飛, 要求都係唔好咁高啦. 返屋企見到載馬馬既車呀, 我第一次見jar, 應該係由跑馬地運馬馬去沙田馬場準備星期日既比賽啦

HIHI馬馬



2011/10/11

大大份鐵板@金蘋果餐廳, 佐敦


同Winnie拎條姊妹裙出佐敦改, 條裙將會由大肚look---->變成修腰look, 真係萬二分期待呀!!!
之後去試呢間係彌敦酒店後面, 太平館隔離既金蘋果餐廳, 見到openrice話佢個芝士汁鐵板燒好正, 就黎試下啦
間餐廳好大間, 一入去好似茶餐廳, 再入d似西餐廳, 我地坐入邊, 連埋我地都係得三枱人 好似包場咁

我地一人一個鐵板餐 (好大食喔) 餐包係厚切多士, 烘底加牛油, 好味!


估唔到個鐵板份量好大, 好足料!!! 係芝士汁唔夠濃, 冇乜芝士味....


呢個係薄牛扒配漢堡扒, 薄牛扒仲有成一塊半tim ar


你睇塊漢堡扒幾厚


呢個係薄牛扒配吉列豬


提子味jelly


仲有餐湯, 餐包, 鐵板, 餐飲同甜品, 價錢卻非常經濟, 先係$60一個, 仲要唔使加一呀!!!! 咁抵食真係邊到搵呀下次同高仔黎試下先!!!

2011/10/08

Lady Qooza X The Body Shop紅石榴緊膚精華素試用活動



好幸運可以試用 The Body Shop新出既有機紅石榴緊膚系列, 整個系列有潔面, 爽膚水, 日霜, 晚霜, 精華素, 適合日間及晚間既需要, 而且採用了天然紅石榴成份, 今次試我用既係精華素, 有十天份量呢!

產品介紹: 蘊含有機紅石榴籽油及滋潤蜂蜜,質感輕柔及容易吸收,有助改善肌膚彈性及補濕度。於使用補濕產品前塗上,能令肌膚更有彈性及得以提昇。



我係領取試用裝第一天去沙田分店的, 店員有禮貌咁用一個紙皮環保袋將我既十天試用裝裝好...

我先將部份試用裝用小樽裝好, 因為我覺得用上去比較方便 hehe
 


一擠出黎已經嗅到淡淡既香味, 我諗應該係紅石榴既味道吧! 質感水漾, 好滋潤, 但唔會好杰身, 又易推開 


搽上手後, 不用一分鐘, 精華素已經全面吸收了, 唔會黏痴痴, 好清爽啊; 當然配合按摩更好喔
 

試用左幾日, 雖然未見到緊緻效果, 但相信長時間使用, 效果會更加明顯!

2011/10/03

羽壽司@旺角銀行中心


放工出Dermes做laser, 做完同高仔食羽壽司. 呢間係銀行中心既羽壽司, 人唔多, 我地揀左迴轉枱坐, 坐低先發現迴轉枱既壽司極少, 但因為唔想煩, 所以冇轉枱. 價錢同元氣差唔多, 但係款式比元氣多. 最好味就係呢個巨型蟹棒, 好新鮮好正呀, 所以我地食過番尋味, 食多一碟haha


爆丸, 正呀!!




痴住左 haha


咖哩味炸蝦卷, 超級好味呀!!!


2011/10/02

品香樓@石硤尾南山村

本來去禾輋陳根記, 嘩, 多人都爆呀, 所以轉場去Pass K介紹既石硤尾南山村品香樓. 可能係我見識少, 我好似好耐冇見過呢隻形既屋村啦, 感覺好好呀


呢到仲保留住懷舊既舖頭, 好似以前瀝源村咁呀


呢間位於屋村內既品香樓, 出名多大學生黎食, 因為近城大宿舍; 但好多人都會慕名而黎, 因為D野食出名好食! 我地訂左枱都要等大概15mins左右先入得去. 先黎個出名既 Cream Chocolate, 撈勻d cream, 少少苦既朱古力岩岩好, 又滑又好飲


食唔到最出名既手撕雞, 因為係每日限定數量, 但d野食真係唔錯, 好香口惹味
 唔記得呢個係咩雞






仲有其他相遲下再post