做自己喜歡的事

早上進行執衫大行動, 把短裙, 碎花, 小背心放入了抽屜, 把長袖雪紡, 外套拿了出來, 終於可以穿秋裝了  午餐後, 安安靜靜的在家看我有興趣的書, 都不知有多久未試過這種悠閒感覺了 

看到雜誌上的Anna Sui長銀包, 好喜歡, 全因為它有蝴蝶的logo, 又是紫色, 可惜....我的MiuMiu紅色長銀包是今年的生日禮物, 我絕對不是那種貪新忘舊的人呢

Paul & Joe Make Up -> 峰壽司

考完試真係好好好輕鬆呀!!!! Book左Paul & Joe 化一個免費既眼妝, 化妝小姐都唔會因為係免費既, 都好有心機幫我化, 化完都唔會好hardsell呢 
小小smoky eye


我自己都好睇唔慣咁濃妝呀


我去化妝既同時, 高仔去峰壽司等位. 揀峰壽司係因為呢到既壽司新鮮選擇多, 比起地下既元氣有創意!!! 時間岩岩好, 有得食lu!!!

美味既北海盛軍艦!!! 次次黎都會點, 因為可以一次過滿足三樣!!! 海膽好新鮮, 好鮮甜呀

章口新鮮既魷魚, 如果甜多少少就更正


大大件蟹柳, 冇左沙律醬會好味d, 但都食到蟹柳既鮮味 xp

火炙鰻魚

蝦三味, 有海蝦同甜蝦, 高仔至愛

少不了玉子燒, 熱辣辣又甜甜的

蝦壽司, 見特價就試下啦, 味道都唔錯呀

必食, 餐牌冇既炸蝦壽司

食飽飽先去配隱形眼鏡, 跟住同高仔去睇窄身牛仔褲, 本來H&M有一條好岩心水, 點知冇晒碼, 最後都係Uniqlo......

傳師傅慶祝咩咩考完試

辛苦左兩年, 終於考埋最後一科啦, 真係要馬上慶祝一番!!!
高仔同我去傳師傅食心太軟 好好好好味呀!!! 我每次都會慢慢品嚐既

高仔點既朱古力梳乎厘, 我覺得太甜啦

 

英皇珠寶 "深情.心動"–婚紗珠寶分享會

溫書溫到悶悶地, 都要輕鬆下既, 今晚出席左英皇珠寶係1881旗艦店既 "深情.心動"–婚紗珠寶分享會, 7:30pm準時到達, 但黎既人唔多







大會提供左茶點同飲品比我地享用, 我緊係唔客氣啦, 好肚餓喔 搵個靚位坐好食野, 準備睇show
 



大概8點, 分享會開始啦. 先介紹鑽石既4C同種類等等, 再有高級婚紗設計師Noel Chu介紹2012年既婚紗潮流


仲有兩個models示範婚紗tim


好鍾意呢件, 好高貴優雅




問答環節後, 我地就可以隨便試試各式各樣既鑽介, 耳環, 頸鍊等等. 我將一卡既鑽介戴上手, 嗯嗯, 真係好適合我啊 

玫瑰金都唔錯呀, 好雍容華貴, 呢隻對我黎講太粗啦

呢個size岩岩好啦 hehe


原來要去埋下星期四既分享會先有禮物, 但我下星期四考試, 可以搵邊個代我出席呢

Red bomb from 表妹

收到表妹既請帖啦, 親人真係唔同d架, 連餅卡都多過人 好期待呢日既來臨呀

曇花一現

高仔屋企種既曇花, 開花啦, 由晚上九點開到凌晨四點. 曇花只會開幾個小時就會凋謝架啦, 所以曇花一現既成語就係代表時間好短既意思.....我都係第一次見曇花係咩樣

小強!!!!!

好耐冇匯報我帶返公司養既蝦仔啦, 佢生活得好好, 係我悉心既照顧下, 長得肥肥白白呀 每朝我都會睇下佢既情況, 今日返到公司都如常睇下佢, 點知.......好嘔心既畫面!!!!! 有隻小強竟然投湖自盡了 唔知佢係口渴想飲水, 定係見到蝦仔肚餓呢......但係最嘔心係, 我要整返佢出黎 真係邊整邊想嘔呀, 整佢出黎時, 仲要d腳斷晒, 要逐隻腳撩返出黎

童年回憶

 

聖鬥士星矢同美少女戰士, 都係我既童年回憶, 當我一見到MTR出佢地既產品, 我已經好想要啦. 但又覺得好似冇乜用咁, 所以都放棄左買既念頭. 點知........高仔買左比我呀, 哈哈, 好開心呀, 我可以擁有佢地啦!!! $105一套, 包括三張單程車票同一個鎖匙扣, 真係覺得好靚呀!!!