行山遊-馬鞍山至西貢

一踏入十月, 我已經好想行山, 總覺得天氣好好好到不得了, 可惜十月係考試月, 所以要乖乖留家溫書終於等到考完試, 高仔又放假, 可以去行山啦
我地由馬鞍山村出發


沿住馬路行.....

到左馬鞍山燒烤場

再繼續向昂平方向行

黎到TVB成日拍戲既地方啦

天氣真係好到不得了

藍天白雲

今日第一次用新背包呀 yeah

係咁上上上......好彩有d樹蔭, 唔係熱死呀

呢個係大金鐘, 但係我地冇攻頂....

遠處......隱約見到........

今日好多人練山喎, 一定係備戰兩星期後既毅行者啦, 加油呀

上到黎, 冇左藍天白雲lu.....好似比烏雲蓋頂咁呀

遠望西貢.....


今次見得好清楚啦, 有5-6個人係到玩滑翔傘, 行左咁多次山都係第一次見呢d玩意.....

仲要頭頂經過 -.-'' 好似好正咁, 但如果要我一個人玩, 我一定好驚

原本我地既目的地係水浪窩, 明明睇住GPS行, 應該冇錯架, 點知行左去菠蘿輋方向, 都唔緊要啦, 可以係菠蘿輋落; 點知........

再一次迷路, 最後行左去西貢落, 哈哈, 跟住就坐299返馬鞍山啦

今日行左5-6小時, 都已經好累啦, 一定係天氣太熱既關係......下次都係再涼D先行山啦

漁屋放題@荃灣

一家人既放題聚餐, 拖拖拖, 拖到我考完試, 終於實踐啦! 今次揀左荃灣荃新天地2期既漁屋, 貪佢近我老爸放工地點, 唔使老爸為左食餐飯撲出去旺角, 而且食滿$300或以上就有兩小時免費泊車, 都好方便呀!   漁屋- 原來係一間幾開放既餐廳, 環境唔算大, 座位亦唔算寬敞. 價錢方面, 星期一至四, 每位$168; 星期五至日, 每位$178, 汽水任飲, 限食兩個鐘. 訂左7點五位, 7點黎到等左幾分鐘就可以入啦. 見到d紙仔, 我地即刻填, 啦啦聲入單, 因為見openrice好多食評都話佢係咁飛單......

先上既係肥牛煲, 份量唔算多, 但味道ok

烤物, 乜都點d: 牛丸, 魚蛋, 芝士丸, 雞軟骨, 多春魚, 味道不過不失, 最好味係芝士丸, 有爆醬!

刺身, 都算新鮮

壽司, 都可以, 但紫菜應該放左好耐, 全都軟既

肥牛金菇卷, 配上烤汁味道唔錯

火炙芝士蝦壽司

黎食放題點少得炸物(天婦羅) 呢, 南瓜, 番薯, 蔬菜, 蠔, 樣樣都試下, 味道都ok 

卷物, 我地點左應該冇咁多, 唔知點解黎咁多, 係咪想塞飽我地呀!!!

清酒煮蜆, 有好香既清酒味, 絕不馬虎喎

芝士年糕, 裡面既芝士熱辣辣, 正呀, 但略嫌粉味過多, 唔及名將既好味

炒雜菜, 用黎調劑一下, 味道一般

豬頸肉, 唔錯呀

我地食左大概1.5小時就走啦, 覺得服務, 環境, 食物款式同味道都ok 呀, 飛單問題都唔算好嚴重, 但美中不足既係冇甜品.......

民華餐廳@太子

今日同高仔出旺角睇行山背包,最後係行山專家鐘偉民間舖頭買左個20L既行山背包啦!!!
出發前上openrice睇過有咩好野食, 揀左呢間係太子既民華餐廳, 見食評話佢d常餐ok, 就黎試下啦

呢到仲有中式飯同點心食架, 不過我地冇試到


高仔忙住玩電話

凍好立克, 好夠味, 正呀

烘底牛油厚多士配上香滑炒蛋, 炒蛋濕濕的, 仲有蛋汁伴著, 好味道!!!

 

番茄湯通粉, 不過不失, 唔係特別好味