7:30 已經係中港城食緊一頓極之豐富既早餐啦 so happy!!
我第一次食麥當當既Jumbo呀, 真係極大滿足呀!!!
8:05 準備入閘坐船去珠海啦, 出發出發!!!
兩個小時船程+一個小時車程, 我地到左海泉灣啦, 大家都好期待今次既溫泉之旅呀
酒店範圍
Check in後, 又去食啦!!! 去左酒店餐廳飲茶, 有我至愛既馬拉糕 yummy!!!!
呢間就係我地住既酒店啦, 環境都唔錯呀, 周圍都係花草樹木, 好清新架 
嘆完茶, 出去行下先

長長既海旁
區內有個小湖, , 大家可以泛下輕舟
周圍影下相
今日冇太陽, 所以感覺好清涼, 好舒服


我地本來想踩單車, 但覺得幾廿蚊踩半個鐘真係好唔抵, 所以最後揀左踩......小艇! 原來都好累架, 但係個湖上面hea下都好舒服既
呢間就係我地既高級房啦

有大床有露台

夜晚去夢幻劇場睇show



我地既套票包左入場券架
全院得三四成入座

個show大概個半鐘左右, 我地同36D美人魚影相haha
終於去醫肚啦
食飽飽返酒店休息, 聽日去神秘島同海洋溫泉!!!
可以同高仔出新城市食lunch, yeah!!! 要諗邊間有泊車優惠, 所以揀左好耐, 最後揀左紅螞蟻.....好鍾意呢件衫, 好優雅呀

宜家d野真係貴, 一個lunch都要50-60幾蚊!!!! 好在唔使加一
我地點左香草蒜片雜肉香腸炒扁意大利麵, 味道好淡, 都冇乜香草蒜味既

南瓜鮮蟹肉白菌菠菜焗千層麵, 味道還可以, 但份量勁少, 真係兩三啖就冇晒, 真係好唔值$62, 我諗我未必會再幫襯佢!!!

第二次姊妹聚會, 今次要finalize晒d遊戲, 道具, 分工既野....為左方便大家放工後過來, 所以揀左TST既Applegreen. 知道呢間野好耐, 終於有機會試啦
墨西哥鮮蝦沙律-好大盆, 好多菜仲好新鮮, 我地6個女仔都夠分, 但冇乜鮮蝦, 有兩種醬可供選擇

蜜糖烤雞翼-蜜糖烤汁好惹味

野菌鮮露筍美式烤薄餅-用一塊長方形木砧板上, 睇落好大塊, 其實一d都唔飽, 因為pizza用上極薄脆餅底, 好似食餅乾咁

Carbonara-極力推介, 每一條都黏滿好香濃芝士, 但要趁熱食

莎莎番茄辣雞-冇乜特別

香腸薯蓉-唔同味道既腸仔, 不過不失, 但薯蓉幾好味

呢到食物味道都幾好, 但環境太嘈, 我地6個女仔, 佢比左張長枱我地, 又話因為係走廊, 所以唔比我地加chair坐前d, 其實個到係角落位, 根本冇理由阻住佢地! 最終我地傾計變到好似去左街市咁>< 又限時得1.5hrs, 最後我地要去Mcdonald繼續傾...
今日傷風黎搵我, 好唔舒服啦, 但應承左出席Katie BB既生日飯, 所以都頂硬上, 我係怕傳染比Katie BB啫
. 今日先知原來唔係去Katie BB屋企, 係食去季季紅風味酒樓. 山長水遠入到黎屯門, 訂左位都要等半個鐘先入得, 使唔使咁多人排隊呀, 雖然係米芝蓮推介餐廳je.....
佢係對面馬路有個私家沙地停車場, 但係範圍極細, 最多泊到十幾架車, 我地好彩先有位泊.
Katie BB 收到Apple既生日禮物, 好好奇呀!
大勝雞, d雞好夠味好滑
今次黎季季紅都係為左佢--->蝦米炭燒乳豬
d炒飯壤左入去隻乳豬仔到架
開頭以為細細隻乳豬仔, 點知切開之後咁鬼多, 隻乳豬仔皮好脆, 肉好嫩, 係d飯略嫌普通, 好似普通炒飯咁
蓮藕餅, 好香口同足料, 但冇乜蓮藕
冰淋醬烤骨, 勁入味, 唔係普通京都骨, 愈食愈上癮
羊腩煲不過不失

魚魚兩味
高仔既傑作 haha

你睇Katie BB見到自己既生日蛋糕幾開心, 佢真係好可愛呢

眼仔碌碌

季季紅風味酒樓, 環境麻麻, 好街坊, 真係好風味, 全部野食味道都偏咸, 岩晒我呢d鍾意重口味既人 haha
又踩東涌迪欣湖線啦!!! 今次多左Cherry一齊去, 先係大家樂食早餐, 之後就出發啦!!!