聚聚with舊同事@荃灣石燒日本料理

又同舊同事黎荃灣食飯, 本來諗住食和民, 但實在太多人, 又唔比訂位, 所以最後去左石燒. 呢到唔使等位, 一入去就被安排四人卡座, 坐得舒服. 點左個dinner set, 再叫d小食. 先黎個雜菜沙律, 菜好新鮮, 但份量好少


吉列蠔同吉列蝦, 熱辣辣上菜同好夠味

用某幾間信用卡簽帳就會送既一口吉列豬, 味道一般, 真係得一口

刺身, 好鮮甜

火炙芝士軟殼蟹卷, 味道一般, 飯團鬆散, 冇乜芝士味


蒜片牛肉石燒炒飯, 石鍋上, 熱辣辣, 味道唔錯, 炒飯好香


野菜牛肉涮鍋, 肥牛舖滿鍋面, 雖然算不上頂級, 但肥瘦適中, 份量都算多, 底層配有日式鍋料, 讚!!!

 

 

野菜牛肉卷, 原來用上韮菜, 但由於本人唔食韮菜, 放埋一齊只覺得韮菜搶晒牛肉味, 而且好硬

又一次食到人家打烊先捨得走, 我地成日都係咁難分難捨 haha

Dinner@Amour Cafe

終於去拎姊妹裙啦, 好好好期待呀!!!! 見到條裙, 完全冇大肚feel, very good呀~!!!!
之後同Winnie食平靚正既Amour Cafe, 之前黎過一次架啦, 今次再幫襯!!!

先黎兩杯湯, 朋友仔以為係野飲, 我黎過所以知道係忌廉湯, 味道一般


煙肉蘑菇意粉, 香濃芝士汁, 意粉彈牙, 但份量只係岩岩夠我食

蕃茄豬扒意粉, 一黎見到好大塊豬扒, 好香口好惹味!!!

 

食飽飽, 仲有甜品食, 叫左一個吉士蛋, 一件cheese cake

吉士蛋好滑同有蛋味, 上面既焦糖有少少苦, 好味; 芝士餅好有口感, 好好味!

一個餐有齊餐湯, 餐飲, 主菜同甜品, 仲要唔使加一, 都係三四十蚊, 算係好經濟啦!

Dinner@意粉屋

下文就係我地一齊食埋dinner啦, 所以我地既旅程仲未完架 haha, 最開心莫過於同朋友仔一齊有傾有講有笑食一餐開心既飯啦
呢個係凱撒沙律, 碗就大, 料就唔算多, 但d菜都好新鮮


Ribs好好味, d燒汁好香濃, 肉質好林

田螺薯蓉又係好好味 yummy

黎張合照先


煙三文魚菠菜肩意粉, 好香濃既芝左汁, 配上新鮮既煙三文魚, 肩意粉軟硬適中, 口感好好!

番茄海鮮pizza, 好多料, 勁多芝士, 味道一流!!

d芝士多過pizza hut好多呀, 可以拉.........架!!!

食好飯, 過左海港城睇下今年既聖誕主題

 

原來係反斗奇兵呀, 好得意呀!!! 但點解未到十二月已經咁多人既-.-''


今晚既夜景都好靚好清呀!!

 

珠海海泉灣溫泉之旅 Day 3

係咪真係好豐富既早餐呢, 大滿足啦!!!


今次佳佳偷偷帶左相機入黎 


呢個係牛奶湯, 浸完皮膚會滑滑流




周圍浸呀玩呀, 又係食lunch既時間啦, 除左餃子, 仲有湯麵同自己煮既溫泉雞蛋

溫泉雞蛋既特色係, 唔係用100度高溫煮既, 所以蛋黃都係未熟晒, 軟綿綿的

浸完溫泉係時候坐車坐船返香港lu.....

呢一日仲未完架, 我地仲有下文.......

 

珠海海泉灣溫泉之旅 Day 2

食完豐富既自助早餐, 充滿精力, 可以去神秘島大玩特玩啦 haha

\

呢個類似鬼屋既物體, 超無聊! -.-''

好有驚喜既過山車呀!!!! 好刺激!!!

好流既跳樓機, 睇我個樣都知佢唔掂啦 haha

我同高仔對機動遊戲有濃厚既興趣

一次玩吊腳既過山車, 不過呢個過山車太慢啦 haha


我覺得呢隻美人魚好似陳妍希呀 haha

玩左兩個鐘, 乜都比我地玩晒, 可以去浸溫泉啦, 呢到係海洋溫泉大堂, 呢到分男女湯.....更衣室, 之後就可以一齊浸架啦, 緊係要著泳衣啦!!! 裡面都有好多個唔同材料既溫泉, eg.牛奶湯, 靈芝湯, 紅酒湯, 當歸湯, 香草湯, 薰衣草湯等等, 仲有勁爽既冷熱池, 當你浸係熱池數分鐘後, 立即跳入冷池, 你會感受到毛孔既擴張, 對皮膚好好的啊!!!


嘆完溫泉, 去食北方菜, 好好味既餃子呀 yummy!!!


呢個刀削麵都唔差呀, 煙煙um um, 但牛肉就好少, 得兩三塊

係一條麵, 好勁呀

 

係湖邊hea hea


漫步湖畔, 係咪好romantic呢 hehe

我既主意, 有冇嚇親你呀 hahaha

最後一晚, 返酒店食薯片, 剝花生睇<天與地>第一集 happy!!!

睇下大家幾寫意, 岩晒佳佳既生活模式-hea

聽日最後一日係海泉灣啦, 都係去浸溫泉!!!