好好好多年冇黎過奧海城啦, 印象中黎過一次, 今次Meow姐生日飯, 揀左奧海城三期既Berliner German Bar and Restaurant. 踏入十二月, 已經充滿住聖誕氣氛啦
高仔既黑啤, 佢話好好飲, 我就覺得好苦呀
黑森林薄餅, 超薄脆上, 上面放左芝士片, 磨菇, 仲有唔知咩菜, 味道一般, 冇乜味
紅酒燴牛肉伴德國馬鈴薯餅, 牛肉好好味, 肉質軟軟又入味, 有淡淡既紅酒味道, 薯餅亦是推薦之一, 還有伴菜既酸菜, 酸酸甜甜, 好開胃, 驚喜之作!!!
香燒柏林肉腸, 長長彎彎既香腸好入味, 薯仔上灑上香料, 好味道!!!
祕製德國咸豬手, 大大隻, 師傅兩三下手勢就分解了, 但豬手皮脆肉唔嫩, 原因係太乾啦, 味道又唔夠咸, 太失色了
鳥類再現 hehe 
德國香腸拼盤配酸椰菜, 多款香腸, 多款味道, 香腸滿滿的, 因應各人喜好, 我就隻隻都鍾意食!!!
德國香草燒雞, 肉質好滑, 又好多汁
是日芒果飲品, 酸酸甜甜
今日無無聊聊, 高仔帶我去馬鞍山泥涌黎個冬日遊.......原來呢到環境唔錯的, 藍天碧海.....好舒服喔!!!
我地係自駕過黎的, 如果有興趣既朋友, 可以係沙田新城市巴士總站坐299到泥涌站落車 
和煦既陽光照射下, 本來凍凍既我都覺得好溫暖呀
見到遠處既八仙嶺
好有型既姿勢吧, 哈哈
如果我可以住在這裡就好了, 空氣怡人, 環境清靜手拖手沿海邊行的我們
有姿勢冇實際既我....拋石仔
估唔到呢到好多人放風箏, 他們不是悠然自得的放, 而是要爭勝既野心的 
個個都好專業的
突然有好多狗狗殺出, 不過牠們是沒惡意的我地再往海邊走過去, 在石頭上坐著, 吹著海風, 吃著零食, 真係好寫意呢
再走過另一邊, 踩住石仔過河
只有我們
草叢中既小生命
太陽落山了我們都回家了
我親愛既好姊妹-肥恩終於要嫁人啦, 今日好開心可以分享佢既喜悅
六點半, 已經同Winnie坐的士到逹麗豪酒店, 未到我化妝就先幫手準備遊戲道具等等....好鍾意呢個髮型呀, 戴左珍珠head band, 變得好溫文儒雅既感覺, 好似公主咁啊
後面係咁既, 得個亂字??? 其實個化妝師好有心機幫我整架, 我都好滿意
衷心祝福肥恩同陳生執子之手, 與子皆老, 甜甜蜜蜜, 幸幸福福咁一齊行人生既路!!!
今日天公造美呀, 原本可能會落雨架, 但都放晴
接完新娘, 去完男家, 食過午飯就出發去帝京啦
仲未開始banquet, 我地係酒店房影下相休息下
今晚終於去睇今期hit爆既電影 <那些年> 啦, yeah!!!! 先去一壽司食日本菜, 無錯......又係日本菜, 10次有10次都係日本菜, 鬼叫我男朋友鍾意食咩, 我真係一個好識體諒男朋友既女朋友呀
黎到時人唔多, 所以唔使等位, 旁邊仲有不少卡位, 好適合三五知己食飯聊天
第一次黎一壽司, 已經覺得壽司size相比起板x, 元x個d大啦, 唔單止係舊飯, 連上面既材料都大塊d, 但價錢又唔會特別貴. 先睇鰻魚壽司, 大大塊, 汁又多, 食落口鰻魚香口, 好味!
蟹子蝦子壽司, 紫菜都算新鮮, 脆脆的 
海膽海鮮炒飯, 粒粒飯都炒得金黃色, 好香口, 軟硬適中, 再加上幾片海膽, 都算真材實料啦
雜錦天婦羅, 上菜時熱辣辣, 要等一陣先食, 炸得脆口, 味道咸咸的, 但同出面既差唔多
一次過黎左六樣, 叫左兩隻蟹棒, 兩隻都好鮮甜; 帶子大大件, 又新鮮; 甜蝦好肥美鮮甜; 魷魚比較遜色, 冇乜甜味, 又唔張口
兩個人食左十個菜, 其實真係好多, 但我地見到餐牌, 好多選擇, 樣樣都想試下, 就這樣點左十個啦, 不過我地都食晒, 唔會浪費嘛, 係要捧住大肚子離開囉. 食左十個, 都唔使$300, 真係抵食!!!
睇完<那些年>, 真係覺得好好睇呀, 好清新好warm, 好清澀既愛情, 令我覺得好感動, 令我諗起那些年既回憶, 真可惜佢地冇一齊到, 但係可能就係咁, 大家可以做到一世既好朋友.
