廣東道倒數

24-Dec 最終我地係喺廣東道倒數

其實我有d失望架, 因為唔可以同高仔一齊過呢一晚, 佢放11點, 出到黎都封晒路入唔到黎啦, 所以佢返左屋企..
我只可以喺電話到同佢倒數, 真掃興, 如果佢喺到幾好呢><"

平安夜@Harbour City

24-Dec 今日放五點, 如果唔係我覺得著得唔好睇, 都唔使返屋企換衫, 哈哈, 簡直係浪費時間. 約左穎然同hon sing喺大圍火車站等一齊去尖東食巴西BBQ. 原來子謙, CWAI同樹熊都未到.
d野個味道都oko既, 但就嫌唔夠熱, 最熱咪係即點即做pancakes囉...位位$200, 食到差唔多9點就走lu...
我地o既目標海港城, 所以就一邊行一邊影相, 點知cwai同樹熊早走, 可能悶親佢地啩...

雖然得返四個人, 但都好開心, 講笑&影相, yeah!!!

Gift Box

24-Dec 前幾日有客送左個gift box比老闆, 今日又送左個大蛋糕黎, 所以影左幾張相留念, 嘻嘻.

Meow姐屋企X&#39;mas party

23-Dec 今日成日都喺屋企, 到高仔六點放左工先黎接我去Meow姐屋企開x'mas party, yeah!!!

Meow姐住喺廣播道,  差唔多去到途中竟然比我見到"車仔綿羊仔", 好得意呀, 令我好有衝動考返個電單車牌, 然後整返架"車仔綿羊仔"

不過都係得個講字, 盡顯"三分鐘小姐"o既性格, 哈哈~~~

 

Meow姐屋企都好大架

食物係由Meow姐媽咪頂力提供, 好好味呀, 我食到好飽呀....

我同高仔玩wii, 好好玩呀, 第時自己屋企真係應該有一部, 玩到傻左, 哈哈...

之後我地玩抽禮物, 我抽到貓貓毛毛頸巾, 高仔抽到個3D過三關; 跟住我地一行9人就玩UNO, 我地係每三鋪清一次, 好好笑, 懲罰係20, 40 & 50下掌上壓.

高仔都做左20下架, 玩到11點就走lu, 因為大家第二日都要返工嘛....

第一次free facial@康和堂+第一次去高仔家做冬

22-Dec 今日又要去鰂魚涌做問卷, 做完就過左銅鑼灣行街街啦...

其實係因為book左康和堂試做咩"紅酒活抗氧面部護理", 係free架, 如果唔係都唔會過去~~

我係第一次做facial架, 因為唔捨得, 但係呢次感覺都ok喎, 佢都幫我做左75mins架, 仲幫我修眉tim, 我一直都想架啦, 好開心呢

之後諗住去皇室堡o既玩具反斗城搵下細佬啦, 入面好似街市咁, 勁多人囉, 都見唔到細佬, 好失望....

但係咁岩比我見到Teresa o係到做function喎, 佢真人都幾靚架喎, 睇落都好瘦好高咁, 但係個妝都幾"行"下....

喺到行黎行去, 買左塊格仔餅上680食, 出發去高仔公司等佢放工再去佢屋企做冬.

佢屋企好多人呀, 因為佢有6個兄弟姊妹, 仲要個個已經成家立室, 有家庭有仔女, 所以真係人仔湧湧呀

我都好驚架, 因為我知道自己唔善於social, 特別是喺一大班唔熟o既人面前, 我係好文靜架 ><

喺熟o既人面前就係鳥類, 哈哈...但係之後熟左少少都ok o既, 而且佢family都好nice...

X&#39;mas dinner with family@咖哩王

21-Dec 今日多野做到嘔呀, 拿拿臨做埋d野走人, 同高仔一齊出尖沙咀同family 喺重慶7/F咖哩王食x'mas dinner.

我一早訂左位架啦, 媽咪同老豆喺重慶大廈門口等我地, 之後我地就上去等埋細佬黎先叫野食啦..

一邊食我就一邊送x'mas gift比媽咪, 老豆同細佬, 高仔個份就壓軸, 嘻嘻...

大家都食得好開心, 高仔同細佬仲不停咁飲水, 哈哈, 因為佢地唔係好食得spicy food..d野都好好味呀, 特別是個芝士薄餅!!!

今餐係高仔請我family架, 多謝高仔!!

一家人一齊食飯o既感覺好好呀, 我知道我地愈大個, 坐埋一齊食飯o既機會會愈黎愈少, 所以我會好珍惜大家坐埋一齊食飯o既時光!!!

之後我地諗住行去搭火車返屋企, 咁咪順路行下海旁囉, 我都知媽咪同老豆都好耐冇行過架啦...

沿途我地都有影相留念. 點知一行就行左個半鐘先到紅磡車站, 又著住高踭鞋喎, 真係腳都跛呀