Winnie的新加坡手信

豬仔, 係Winnie去新加坡買比我o既手信, 好味道!

Ohashi san的日本手信

每次Ohashi san係日本返黎, 都會買手信比我, 今次新年假期都唔例外...

好精美o既飾物

真係好多謝阿姐咁錫我!

Monster Sushi@朗豪坊

金花o既開年飯, 係朗豪坊o既Monster Sushi食

呢到好多新花款                     

你睇我地食左幾多野!! 其實份量好少架jar

情人節快樂

第一年, 係香港過農曆新年! 朝早打比在鄉下o既婆婆公公, 舅父舅母拜年.

沒甚氣氛o既一個假期, 只能在溫習聲中渡過!

最享受o既係過了四日不用鬧鐘o既日子, 真係好爽, 好滿足啊!

爺爺離開了

今日係年三十, 原定今日下午就回婆婆家過農曆新年, 點知....今早八時多收到電話, 爺爺離開了我們了....

好突然, 無諗過爺爺走得咁快...

晚年o既爺爺, 自從中風後, 就不願見人, 連每年徵月初七, 爺爺o既生日, 我地返去同佢食飯, 佢都只會自己o係房到食.

對我黎講, 印象最深刻o既係我小學時, 爺爺經常去行山, 每次都會到龍華酒店買乳鴿, 然後來我們家, 爺爺來到我們都會好開心!

同爺爺o既關係, 不算很親密, 但始終血濃於水, 佢o既離開, 我都會好難過....

因為有至親o既人離開了, 所以我們今年不能回鄉過年, 亦不用到人家屋企拜年, 我只好留在家準備我o既考試!

旺角花滿樓

放左工去探爺爺, 雖然佢都係昏迷緊, 但我地叫佢時, 佢突然間好似想喊緊, 眼泛淚光...我知道爺爺係知道我地黎睇佢o既!

探完爺爺後, 高仔同我地一家人去兆萬花滿樓食飯, 叫到成枱都係餸!

炆豬手           

老豆最鍾意食o既上海菜

飽飽後我同高仔原本打算行花市, 但我地又懶仔, 最後係旺角行街算啦....

高仔, 一早已經好想換電話, 於是我地入豐澤睇, N97mini...

同出左一日o既X6都在考慮列       

諗左好耐, 最後買左N97mini兩部, 白色我o既, 黑色高仔o既! 好貴呀~~

唔記得係咩舞, only記得係巴西引入o既, 跳得好勁!

乳豬頭煲粥

今晚媽咪用我Annual Dinner拎返黎o既乳豬頭煲粥, 下火呀, 但我買左油炸鬼, 煎堆, 牛脷酥送粥, 哈哈, 仲要煎埋糕食, 又好熱氣啦

探爺爺@廣華醫院

再次推左預科同學o既聚會, 因為要去廣華醫院探爺爺.....

爺爺今早昏迷在家, 送進了廣華醫院....我們來探佢時, 佢都一直昏迷, 叫佢時, 不知佢是否真的聽到, 只見佢o既手同腳都有輕微跳動, 逗留了差不多一個鐘, 我們一家人到旺角食過粉麵就回家了.

希望爺爺平安無事, 長命百歲!

紅煙囪@恆豐酒店

今晚帶高仔去恆豐酒店食buffet, 事前佢唔知架....heehee

咁岩有7折, 又有生蠔提供, 所以就黎呢到慶祝我地既三週年啦

                                                  

生蠔同長腳蟹都好新鮮, 我最開心就係有鵝肝食, 我食左好多呀

佢都好有良心, 連埋加一7折, 所以埋單$535

眨下眼已經三年, 同佢一齊好似係前幾日o既事咁, 時間過得好快, 當中當然有不開心o既時候, 慶幸我地都好珍惜大家建立o既感情, 所以今天才會一起了三年都仍然相親相愛...                                            

                                                  

屋企團年飯

一家人食團年飯, 宜家都會預埋高仔同Emily....今晚好好餸啊

食好飯, 我地開始玩大富翁!

嘩, 可能我太耐冇玩過啦, 覺得好玩到不得了呀

哈哈哈, 我成為了大瀛家                 

我地玩到十二點幾先返屋企.....

高仔第二日仲要返早tim