Flora 咩咩仔的小花園

2011/12/24

X'mas Party@佳佳屋企

又開party啦, 呢個x'mas真係開心到飛起呀!!! 今晚到佳佳屋企開party, 呢d都係高仔既朋友仔......

我地預先講好每人準備一樣食物, 大家happy!!!

Cheers!!! Merry Christmas!!!

Samuel & Jenny準備左火雞腿同芝士腸長通粉, 好好味呀!!!

我準備左蜜糖雞翼, 其實係媽咪既拿手小菜 haha, 個個都食到番尋味!!

佳佳同Livia準備pizza+ribs

有得食, 我就最開心啦!!! hahaha

開完餐, 玩遊戲時間 yeah!!! 跟住食我同高仔準備既東海堂芝士蛋糕, 真係好好好滿足呀!!!

X'mas Party@Meow's home

今年提早到Meow姐屋企開x'mas party, 所以冇以往咁多人, 但都一樣開心!!!

今年Meow姐唔得閒, 所以冇自己整野食, 但每人都有可愛薑餅人

又有靚靚x'mas tree應節啦

真係好似光仔haha

食飽飽開始交換禮物環節啦!!!

皆大歡喜 yeah!!!

祝大家聖誕快快樂樂!!!

2011/12/23

曼秀雷敦DEEP COLD鎮痛貼試用活動

因為工作關係, 日日都要對住電腦, 坐姿都算正確既我, 都經常覺得肩頸好緊, 肌肉有dd酸痛. 好開心可以試用曼秀雷敦DEEP COLD鎮痛貼.

一打開盒子, 有好強烈既味道滲出, 好明顯加上了薄荷味, 總好過膏藥味呀, 就算貼住出街都唔會尷尬呀. 內裡有一包鎮痛貼, 3塊膠貼.

再打開包裝, 有5大塊鎮痛貼, 比起之前用過既其他牌子大塊少少.

如果你覺得太大, 可以剪開成適當既size用呀, 係咪好彈性呢, 哈哈. 而膠貼就當你貼上鎮痛貼後, 貼在鎮痛貼上, 用黎固定鎮痛貼, 防止脫落, 我仲諗到另一個用處, 就係防止藥劑黏著你既衣物 haha. 宜家就試下佢work唔work啦.
我既肩頸太嬌小啦, 所以我將鎮痛貼剪成兩張, 貼上去岩岩好. 呢排天氣好凍, 一貼上去真係凍到入心呀, 所以如果有熱敷就好啦, 凍貼夏天敷好似比較適合.

一敷上去係好凍, 敷過10秒左右, 感覺到個陣凍慢慢向下滲, 應該係藥力開始滲入肌膚吧, 敷敷下, 又覺得好舒服喎不過我建議唔好敷完即刻訓, 因為凍凍好難入睡的. 就這樣敷過夜, 第二朝肌肉酸痛有輕微減輕喎, 還有一個好處係塊鎮痛貼, 竟然沒有移位或飛起, 仲貼左個原本位置上, 所以當你有肌肉酸痛, 關節痛, 背痛或者拉傷都可以試下曼秀雷敦DEEP COLD鎮痛貼

試用產品包還附上曼秀雷敦新出既BB cream同佛手柑味潤唇膏, 真係好多謝曼秀雷敦 & Lady Qooza!!

2011/12/19

城城舞林盛宴

聖誕活動第三砲-城城舞林盛宴演唱會!!! 得知有得睇城城演唱會, 真係開心到飛起呀!!! 好多謝Corgi有免費飛都預埋我呀, 真係愛死你呀!!!

我地去都會商場food court食完車仔麵就去見城城啦 yeah!!!

我地坐紅區42段22行, $380飛都算好前啦

開始啦開始啦!!!

城城唱左好多經典快歌, 現場觀眾情緒好高漲, 氣氛好好呀!!!

呢個變型金剛台真係睇到好牙煙呀

唱到11:30pm 完場, 我仲沉醉係城城既勁歌熱舞之中, 哈哈

第一次睇城城演唱會, 真係覺得goood show 呀!!!

2011/12/18

Lancome鑽石級會員??

因為要幫大舅母去Lancome買野, 所以同媽咪出黎沙田新城市........先去醫肚!!!

點左個豬軟骨烏冬, yummy!!!

入到Lancome, 全部都係大陸人, 真係全部呀, 真係誇張!!!! 幫大舅母買左盒套裝, 竟然要$3500, 一聽到真係眼到突埋, 可以碌卡儲分之外, 我就這樣無啦啦做左鑽石級會員啦, 好勁呀!!! 哈哈

2011/12/17

新港城中心

今日黎做facial, 經過新港城中心, 竟然見到新城係到搞活動, 見到張智霖.....

C ALL STARS

仲有係後台既王宛之.....睇左一陣就趕去做facial 啦, 終於完成MB 最後一次, 唔使再黎啦 yeah!!!

雪亮聖誕

聖誕節第二砲, 去迪迪尼雪亮聖誕玩餐飽yeah!!!! 好多謝Antony帶我, 高仔同Winnie入去, Kinkin買一張飛就可以四個人去玩啦!!! 所以我都買左盒朱古力送比Antony多謝佢咁好人兩年冇黎迪迪尼, 真係好掛住呀, 一諗起有得黎, 真係好好好開心!!! 一踏入迪迪尼範圍, 已經充滿住喜悅, 童真啦!!!!