夜闖鳳凰山-上集

等左好耐, 終於等到今日啦. 早早已經約好朋友仔要夜闖鳳凰山架啦, 幾驚天氣唔好要取消呀, 好彩冇落雨, 雖然都天陰陰, 但我地都無懼怕, 勇闖鳳凰山!

十一點幾先出門口坐MTR去東涌, 好彩之前比我按到兩張免費tickets去東涌, 所以我同高仔去呢一程唔使錢架               

今次一行有十五人, 有朋友d朋友仔一齊去, 齊晒人就o係東涌巴士總站等11號尾班車                 

好熱鬧啊!                                                                                             

本應o係伯公坳落車, 點知我地過左龍, 落車要行返轉頭, 但點解行黎行去都好似同一條路o既, 唔係咁邪呀嘛

行左起碼半個鐘, 終於到我地o既起點-伯公坳啦

每人都要拎一枝電筒行架, 唔係一定會仆街架!

今日絕對唔係好日子去行山, 太大霧, 太潮濕啦, 地上全部都係水, 一個唔留神一定跣到扖街, 所以大家都好小心....

小心到每十幾廿分鐘就要停落黎休息下, 都係o既, 不停咁行樓梯上山, 係應該多d休息o既....             

兩點左右開始行, 行到四點幾五點終於到山頂啦, d霧大到乜都睇唔到呀><

但我地成功勇闖香港第二高山-鳳凰山!

天氣真係麻麻, 都預左睇唔到日出架啦

山頂上原來得呢個石屋仔, 仲要只能容納5-6個人咁多, 所以大部份人都只可以o係出面食西北風 真係凍到阿媽都唔認得囉

高仔仲要賴醒, 連外套都唔帶, 激死人

我o既好同事Corgi, 佢d朋友仔都一齊去tim...

仲有下集架, 敬請留意啊!