大大份鐵板@金蘋果餐廳, 佐敦

同Winnie拎條姊妹裙出佐敦改, 條裙將會由大肚look---->變成修腰look, 真係萬二分期待呀!!!
之後去試呢間係彌敦酒店後面, 太平館隔離既金蘋果餐廳, 見到openrice話佢個芝士汁鐵板燒好正, 就黎試下啦
間餐廳好大間, 一入去好似茶餐廳, 再入d似西餐廳, 我地坐入邊, 連埋我地都係得三枱人 好似包場咁

我地一人一個鐵板餐 (好大食喔) 餐包係厚切多士, 烘底加牛油, 好味!


估唔到個鐵板份量好大, 好足料!!! 係芝士汁唔夠濃, 冇乜芝士味....


呢個係薄牛扒配漢堡扒, 薄牛扒仲有成一塊半tim ar


你睇塊漢堡扒幾厚


呢個係薄牛扒配吉列豬


提子味jelly


仲有餐湯, 餐包, 鐵板, 餐飲同甜品, 價錢卻非常經濟, 先係$60一個, 仲要唔使加一呀!!!! 咁抵食真係邊到搵呀下次同高仔黎試下先!!!