腸胃炎

凌晨兩點四十五分, 個胃好唔舒服, 起身食胃藥, 點知一食........即刻嘔!!! 我咁大個女, 第一次嘔.....個感覺難以形容, 嘔完諗住訓啦, 點知又痾 搞咩呀, 直至天光, 又痾又嘔各兩次, 原來高仔都有咁既情況, 佢仲嚴重過我好多 究竟係前晚個餐出事定係尋晚個餐出事呢????
最後我地去左仁安睇急症, 與此同時, Corgi同Timmy都冇事, 咁即係前晚係屋企打邊爐出事啦!!! 28個鐘後先出事, 好奇怪!!!

醫生話, 我地係第三種. 即係食左不潔食物24小時後, 細菌儲夠一定數目, 就會發出黎啦....所以我地同一時間出事
睇完醫生就各自返屋企休息啦, 個胃真係好唔舒服, 咩都唔想食.....
所以今日原本同媽咪去工展會都取消了