觀禮的感受

15-Dec 今朝又去鰂魚涌做糖果問卷啦, 做左我都一個鐘架. 之後就返紅磡火車站大堂坐啦. 點解?? 因為我著左對3寸高o既高跟鞋去觀禮, 我有個同事Suki結婚.

我隻腳趾公痛到爆呀, 因為對鞋又高又密頭, 所以所有o既力就集中晒落隻腳趾公到...真係好痛呀!!><''
我大個女先知道乜野係"愛靚唔愛命"~
見到新娘子真係唔同平時, 唔怪得聽人地講結婚o個日係呢一生人最靚啦, 因為所有瑕疵都比d粉遮晒, 嘻嘻.

影左一陣相後就入左個小禮堂(其實係房仔), 個禮堂佈置得好靚, 好浪漫, 好溫馨o既感覺.
所有來賓一排一排咁坐喺後面, 前面係一張圓枱, 當然係一對新人, 證婚人同宣誓官坐啦...

我地安靜咁等所有野準備好, 就聽住"結婚進行曲"迎接一對新人步入小禮堂...
場面真係好感動丫, 我都差d喊左出黎, 可能因為我第一次觀禮, 同埋我未做過新娘子啦,嘻嘻...

我見一對新人好似好緊張咁, 到宣誓o既一刻都係, 仲食螺絲tim...好搞笑...
歷時大約半個鐘, 一對新人又忙著同來賓影相啦...

我睇完呢觀禮後, 真的好憧憬自己o既婚禮. 開頭我想去關島註冊架, 因為好似好型咁, (穎然話我崇洋喎), 哈哈; 但係都係香港註冊好d, 我o既親朋好友都可以黎分享我份喜悅同接受佢地o既祝福, 真係會好開心~~~
雖然我未有耐先到呢一日, 但係我都會好期待, (我並唔係恨嫁o下), 我知道我會成為最漂亮&最幸福o既新娘子!!!
唔知我地幾朵金花邊個會先跑出呢, 嘻嘻 :p