Birthday Gift to Kochai

高仔的第一份bday gift, 是我親手織的頸巾, 不過提早送了給佢, 所以再補上多一份份禮物, 一件黑色羊毛冷衫

 

P.S.今晚o係馬鞍山山頂見到我呢一生人第一次見到o既流星, 真係流星黎架, 無眼花架, 好快..好快..就消失左, 嗌完都趕唔切許願

HAPPY NEW YEAR TO ALL OF YOU~~~

HAPPY BIRTHDAY TO 高仔!!!

2007除夕夜@沙田

31-Dec 今日放四點, 但係d野做唔晒, 冇得準時走, 所以五點先走, 其實都冇乜所謂, 我都唔趕時間

返到屋企, 就開始動手整蛋糕比高仔, 因為佢聽日生日啦, 係一月一日, 大把人同佢慶祝, 嘻嘻; 包好送比佢份禮物, 搞掂!!

 

如果唔係高仔要返工放十點, 我好想出尖沙咀或者time square countdown架, 因為出面好氣氛d~~十點幾出到新城市同高仔會合, 去左換Häagen-Dazs單球雪糕一個, 係free架, 係我唔知做咩調查送o既, 嘻嘻, 好好味, 我要左一個碎朱古力味~~~

之後,同佢family玩左陣攤位遊戲, 攞左少少禮物咁啦

 

跟住去左中央公園同穎然&漢陞一齊睇下雜技表演, YEAH~~~~2008年囉, HAPPY NEW YEAR!!! 今年冇去食糖水呀, 影左陣相就走lu.

雖然係咁, 但係我都好開心, 因為可以同我o既好朋友穎然一齊過, 上年都有佢同漢陞; 仲有係我第一年同高仔過o既除夕, 同埋係佢o既birthday tim, 所以真係好興奮!!!

沙田新城市遊

30-Dec 今朝終於睇完<<浪漫滿屋>>大結局啦, 真係好好睇, 好sweet呀~~~17集睇左兩個星期就睇完lu, 下次又要再睇過, 嘻嘻...

下晝一個人出左沙田新城市, 首先去左做第7次laser, 之後行左一陣街街.

去睇下衫, 仲買左材料諗住整cake比高仔, 因為佢就黎生日啦....

我好鍾意自己一個行街街o既時候, 去邊都得, 無拘無束, 如果冇朋友仔陪我, 一個人都唔錯架~~

工展會with媽咪

29-Dec 今日去鰂魚涌做咖啡問卷, 但係都冇得試飲o既, 搵笨架!!

之後搭叮叮去銅鑼灣同媽咪會合, 本來諗住帶媽咪去榮記食車仔麵, 點知多人到嘔, 排好長人龍, 所以最終去左隔離間茶餐廳食左個干炒牛河, 同媽咪share. 食飽飽後我地就向維多利亞公園--工展會進發啦!!!

一入到去就不停咁試食, 係我捉住媽咪陪我一齊試食, 哈哈~~試飲咖啡, 有機豆奶, 奶茶, 靈芝湯, 冬蟲草花膠湯, 拉麵, 湯麵, 果凍, 口立濕, 仲有好多好多, 不能盡錄....

每樣試少少, 都唔係好過份je, 哈哈, 但係真係好開心, 有好多都好耐冇食過啦, 可以過下口癮 yeah~~~最終搏殺左兩個幾鐘就走人, 買左$325.

今晚細佬仲請我地食pizza tim, good~~~

 

Boxing day

26-Dec 今日喺高仔屋企玩到五點先走, 其實都冇乜野好玩架, 同佢family傾下計講下笑, 同佢個姪女得如玩下跳繩, 拍下烏蠅咁, 真係幾無聊
如果唔係得如突然流鼻血, 我地仲可以去行山tim... 佢d屋企人都好nice, 好好笑, 成日都講笑, 我宜家only未真正見過佢二家姐jar, 其他都見過晒lu...

臨走時肥恩send左sms比我話佢入左威爾斯, 我咪同高仔去探佢囉, 都冇諗過扁桃腺發炎會咁嚴重, 要入醫院架, 今次佢真係"結"啦, 連x"mas都冇得同我地去玩....
你要快d好返呀, 我地要去玩架!!!

聖誕節

25-Dec 中午同高仔過左灣仔食粉麵, 之後陪高仔去剪頭髮, 去佢個姪女o既男朋友到剪. 以為好快搞掂架啦, 點知一坐就兩個半鐘, 仲搞左個負離子頭出黎, 激死人啦, 好嬲呀, 好嬲呀...跟住我又不期然咁"暴走"啦...不停咁行呀行, 高仔最終都氹返我, 嘻嘻...

 

我地去左會展個購物節, 都冇乜野睇o既, 睇左陣魔術, 對婚紗相有d好奇je, 咁就比人一講就講左半個鐘, 仲差d走唔甩tim呀, 好彩高仔出"接朋友"絕招先走到jar, 真係一額汗呀, 原來影結婚相都唔平架喎, 但係如果到真係結婚, 呢d相緊係點都唔慳得啦, 一世人一次嘛!!

 

晚餐食左海南雞飯+芥蘭一碟

 

跟住我地就去左中環影相啦

 

仲喺蘭桂芳見到貓姐, 哈哈, 真巧合~~