簡單的一餐with肥恩

29-Feb 今日o係公司同我老闆Hara san慶祝生日, 今日唔係正日, 不過Hara san黎緊要出trip, 所以我地提早慶祝...o係細公司就係咁, 人情味多d, 感覺舒服好多....

就係因為食左bday cake + 少少薯片, 所以今晚同肥恩食飯都食左好少野; 原來佢都係, 所以我地去左唯一食粢飯+北京餡餅+熱豆漿, 係share架, 哈哈, 我地係咪好細食呢

原本cwai都黎架, 不過佢要加班, 所以無出席啦....

喜出望外

28-Feb 呢幾日心情都好down, 都係做野o個到啦, d野又麻煩, 晚晚都7點半先走, 要family等我食飯, 做到個人好忟憎咁

 

但係今日臨放工知道左個好消息, 嘻嘻, 就係new salary & B仔~~~我覺得都幾好啦, 雖然唔係話好高, 但係我可以接受啦, so都好開心, 咁就同高仔去左宜家cafe dinner la. 食到好飽飽呀, 隻燒春雞太大隻啦, 我地都食唔晒, 下次都係唔好叫咁多啦, 晒野呀, 又可以慳返d錢, 一舉兩得

公益金百萬行

24-Feb 今日一早o係大圍火車站等, 同高仔同佢o既同事一齊行百萬行, 今次係行仲未通車o既八號幹線, 即係沙田出荔枝角o既隧道!!

 

我都係第一次行百萬行, 仲要係第一次行隧道tim, 都好好玩!! 原來條隧道係兩截架喎, 我地行完第一截先知仲有第二截, 仲以為條隧道咁短tim, 哈哈~~

 

最開心就係竟然見到展昭, 即係何家勁!! 佢好高大威猛, 好大隻呀!! 仲可以同佢影相tim, 四十幾歲都仲keep得好好呢!!

 

行完之後, 我地去左飲茶, 係高仔老闆請, 返大圍都係跟佢的士jar, 佢真係好闊佬呢, 有錢到唔使諗價錢, 我第時都要係咁!!

 

仲有一樣野, 比我發現到大圍火車站仲有一個超大o既 KCR標誌~~

Lunch@新城市 & free facial@IM

23-Feb 今日高仔黎我屋企幫手整老豆間房o既燈, 好犀利呀佢, 嘻嘻!! 之後我陪高仔去新城市食lunch, 我地揀左7樓o既Chocolate cafe, 我覺得都幾貴架, 仺係佢想食, 一次半次就算啦....

 

跟住去中原同豐澤睇野, 就係我地出黎最主要o既目的啦...今日用匯豐信用卡積分可以低至75分=1蚊購物, 最終佢買左一塊Nikon D300 o既原裝電池同埋一個 Panasonic塞耳earphone比我....

高仔之後返工, 我就去Ingrid Millet 試做free facial. 我覺得呢間麻麻地je, 冇乜好顯著o既效果, 而且勁貴!!

舊同事Conny@旺角北海道活壽司

22-Feb 高仔黎接我放工, 跟住一齊搭港鐵出旺角同Conny&阿華(her bf)匯合, 好彩Conny早放工去搵左位, 唔係有排等呀, 特別係星期五晚. 以前坐過阿華車, Conny亦都知高仔係邊個, 但係坐埋一齊食飯就係第一次啦. o係峰壽司, 板前壽司同北海道活壽司等位, 最終去左最快有位o既北海道活壽司食. d手握壽司好好味呀, d款又幾多o既,  唔怪得食到我地走 (o個時都成九點囉)都仲有大把人排隊....

 

之後行左一陣就分道揚鑣啦.... 今次食飯都好開心呢, 都有三四個月冇見Conny啦, 我地講好下次入元朗食壽司, 佢話元朗d壽司大件夾抵食喎!!!

採青

22-Feb 今日公司有採青喎, 估唔到日本公司都有呢d咁中國傳統o既活動喎~~~我都係第一次見jar, 好得意咁....