整餅大師

星期五放工後, Corgi陪我去買整蛋糕材料, 然後回我家開始整餅. 我又會大頭蝦到唔記得原來電動打蛋器借左比高仔, 要勞煩Corgi返屋企拎, 咁又浪費左 d時間啦好彩最後都成功完成!!! 好多謝Corgi呢位整餅大師幫我手, 我個愛心蛋糕先可順利完成!!! 由於整完餅都夜啦, 所以Corgi今晚係我屋企過夜, 第二朝我請佢食麥當勞早餐報答佢先走, hehe

除夕夜

今日陪Winnie入馬灣既蒙羅麗莎揀衫影pre-wedding photo, 佢揀既三件衫都係我既心水呀 

揀左兩個鐘後, 我地去行下馬灣公園, 每10步就有一對新人影緊pre-wedding photo, 真係一個好熱門既地方.

 

見差唔多時間, 就黎棉登徑既Fat Angelo's坐住等子謙, 侍應生先送上麵包和沙律

煙三文魚木瓜

一個係意大利雲吞湯, 一個係意大利菜湯

三文魚配薯蓉


芝士巴拿馬火腿pizza

高仔和我

海鮮番茄天使麵

成枱都係食物呀!!! 除夕夜係應該盡興既!!!

 

Cheers!!! Happy New Year!!!

 

祝大家新一年, 身體健康, 心想事成, 友誼永固!!!


食完飯, 我同高仔行去海旁倒數, 好多人好熱鬧, 好開心呀!!!

 

辛苦高仔啦, 個胃唔舒服都陪我等到倒數既一刻, 我愛你, 祝我地新一年日日都開開心心!!!

Yeah!!!! Happy 2012!!!

腸胃炎

凌晨兩點四十五分, 個胃好唔舒服, 起身食胃藥, 點知一食........即刻嘔!!! 我咁大個女, 第一次嘔.....個感覺難以形容, 嘔完諗住訓啦, 點知又痾 搞咩呀, 直至天光, 又痾又嘔各兩次, 原來高仔都有咁既情況, 佢仲嚴重過我好多 究竟係前晚個餐出事定係尋晚個餐出事呢????
最後我地去左仁安睇急症, 與此同時, Corgi同Timmy都冇事, 咁即係前晚係屋企打邊爐出事啦!!! 28個鐘後先出事, 好奇怪!!!

醫生話, 我地係第三種. 即係食左不潔食物24小時後, 細菌儲夠一定數目, 就會發出黎啦....所以我地同一時間出事
睇完醫生就各自返屋企休息啦, 個胃真係好唔舒服, 咩都唔想食.....
所以今日原本同媽咪去工展會都取消了

暢遊迪欣湖

今日又去遊玩啦!!! 同高仔, Corgi & Timmy暢遊迪欣湖!!! 我地先係東涌食lunch, 然後去supermarket買零食入去大草地食, 好寫意呀!!!


一到步, 搵個好位放低野, 我地就開始自得其樂啦, 佢地去影相, 我去踩單車, 哈哈哈哈

今日好多一家大細黎玩, 好多小朋友周圍走


真係好鍾意今日既活動呀

我地好似賣鏡頭咁, 哈哈哈哈

 

搵到一個志同道合既朋友仔真好!!!


我一定係好重啦, 抱到高仔眼到突埋

 

高仔有強勁既臂彎, 可以玩體操


Timmy影既, 好有美感與味道呀!!


多謝Timmy影到我對腳咁......長呀, 哈哈


今日既活動仲未完架, 我地仲一齊去沙角村既酒樓打邊爐, $98任食, 但我想講.....我從未食過咁難食既肥牛架!!!! 真係難食到想嘔, 我以後都唔會再黎幫襯!!!!

 

 

 

 

 

聖誕與陳豪有約會呀!!!

尋日知道今日陳豪會黎新港城中心出席活動, 所以我今日一定要帶埋相機黎見佢, 希望有機會同佢出現係同一張相入面, 就算佢係台上, 我係台下都唔緊要, 只要係埋同一張相, 我都已經好滿足架啦 

食好飯搵個好位睇陳豪, 岩岩比我地企係個出入口位, 突然有個工作人員走黎問我地有冇興趣上台玩遊戲, 我地只要用木偶公仔比賽, 陳豪做評核, 大約二三十秒, 我好傻咁問左佢一句: 係咪有得同陳豪合照架?? 佢O左咀, 然後答我: 係呀. 我即刻應承佢啦, 合照喎!!! 然後, 我地好威咁可以企係台前等上台啦 


等左三十分鐘左右, 終於到我地上台表演啦. 我選粉紅色兔仔, 高仔選啡色兔仔, 原來個比賽係同陳豪做對手戲, 我臨場發揮我既口才, 好似小粉絲同佢表白咁, 哈哈哈哈......陳豪肯定覺得我好傻啦, 佢都笑得好開心, 而我就真係開心到震, 開心到飛起!!!! 比賽勝出者, 緊係口才了得既我啦 最後影大合照, 終於....終於...有機會同陳豪合照啦!!! 佢......仲同我講左句"聖誕快樂"tim, 我真係好似小粉絲咁好怕醜, 回左佢一句"聖誕快樂"就唔敢望佢啦, 仲冇趁住呢個咁好既機會同佢講多d野tim, 真係失敗呀 希望.....希望下次有機會再見佢啦 

見到陳豪, 肯定係我今年最好既聖誕禮物呀!!!


其實我好想出去慶祝聖誕節架, 但睇完陳豪都三點幾, 又唔知去邊好, 所以買材料同世伯伯母係屋企打邊爐, 過一個溫馨又寧靜既聖誕節

祝大家聖誕快樂!!!