Flora 咩咩仔的小花園: 9月 2011

2011/09/29

Holloween@新城市

經過新城市廣場, 已經佈置左關於holloween既擺設啦, 好鍾意呢個玫瑰花既佈置

但唔知呢個公仔係乜水囉

食飯前係好天氣, 心情都一樣; 但食飯後.........同天氣一樣變左下雨天......

2011/09/25

又shopping啦

交晒d project, 終於有得放鬆下啦~~~我, 最大既興趣除左睇蝴蝶, 行山外, 就係shopping啦!!! 又係時候同媽咪出去行下啦!!!
買左條裙, 一件今年大熱既西裝褸, 咁樣襯都好好睇喎!

2011/09/24

講左好耐, 終於可以踩東涌至迪欣湖啦!!! 次次都係因為天氣唔好去唔成既, 原本今日有我, 子謙同Cherry, 但Cherry臨時放飛機, 最後得我同子謙去, 都冇影響我地既玩樂情緒呀!!! 先係大圍坐E42入到東涌消防局落車, 跟住過對面馬路轉38號去逸東邨巴士總站落車. 到達後, 我地食去醫肚

食飽飽就行左過村屋個邊間單車舖租車啦. 呢間SunnyBike, 價錢唔算好優惠, 半日=3.5hrs, 全日=8hrs, 我地揀左全日, 因為我地相信3.5hrs應該唔可能來回迪欣湖 $50揀好戰車就出發啦!!!

子謙好犀利, 認得d路點行, 可能睇得太多了 haha 我就唔認得啦, 如果我再去, 都未必記得點行 -.-''

沿住海邊踩.....都要踩一大段架

要搬單車落隧道, 條隧道好矮, 子謙要彎低身過, 我就完全冇呢個煩惱 haha

跟住要踩一段馬路, 仲要暗暗既斜, 真係少d腳力都唔掂呀. 呢段其實都有少少危險架, 不過我地都好小心, 所以無問題啦, 跟住就上天橋...踩得勁辛苦既一段.....

踩左三個鐘, 我地已經到達迪欣湖啦, 真係好快呀!

第一次黎迪欣湖, 原來呢到係影結婚相勝地喎, 今日見到好多好多對準新人影相, 但今日天灰灰咁, 冇咁靚喎

食完下午茶, 圍左迪欣湖一圈之後, 我地回程啦, 轉個彎入去就係迪士尼啦, 真係好想入去玩呀><

呢條隧道好正, 有一大條水管係側邊, 入到去仲要差唔多伸手不見五指架, 好刺激!!!

好多雀仔企係電纜到, 佢地唔怕電親架咩

回程竟然用左兩個鐘就返到東涌啦, 我地真係好有效率 hahaha...但唔係講笑, 呢條線都踩得幾辛苦, 因為好多斜路, 加上我地可能冇乜點休息, 所以踩完我真係散左, 臨訓前仲食左粒止痛藥先訓, 好似有d誇張, 貪玩既後果囉.......仲要咁tim, 我真係好可憐呀 ><

2011/09/23

拍拖拖@MegaBox

交左investment project, 又完左presentation, 一身都鬆晒啦!!! yeah!!! 高仔出觀塘拎教材, 順道我地去MegaBox拍拖拖

長裙look, 令我高左好多呀 haha

2011/09/15

壓力爆煲

尋晚傾imvestment個project, 傾到11點先係TST走今日心情好沉重, 因為個project真係唔知點做, 我真係唔知點入手, 好難呀, 所以.......壓力爆煲啦

真係好彩有高仔係到, 佢用佢既學識同經驗教我點做, 有佢係到, 我心情釋懷左啦 yeah!!! 仲有心情同佢去試Ikea出面間和亭tim

2011/09/12

中秋佳節

今日有得放早兩個鐘, 先入馬鞍山做facial, 今日做facial都算舒服, 冇比人狂sell 仲有一次就完晒, 唔使再踏入MB啦. 時間岩岩好, 高仔放工黎接我去佢屋企做節. 差唔多個個兄弟姊妹既家庭都到齊, 所以好搞笑咁係庭院開飯, 好彩今晚都算清涼. 二哥買左三個孔明燈, 我地都好興奮, 個個圍住睇放孔明燈, 哈哈.......

第一個, 戰戰兢兢, 睇住孔明燈向天上升, 好開心呀

但地勢同風勢關係, 佢突然向下沉, 消失左係我地既視線, 個刻個心好擔心, 因為好擔心會燒著d樹, 引起山火, 好彩.......佢又再出現係我地既視線啦, 仲好成功咁不停向上 yeah!!!! 第二, 第三個都好成功放左上天