yoyoyo~~~今年第一次參加馬拉松, 同金花, 高仔一齊參與, 點知可能我同高仔遲交表, 所以我地被編入第二組, 跑6:05am, 金花第四組, 跑7:00am. 雖然唔同時間開始, 但我地已經約好跑完一齊飲茶, 完我地咁耐以黎o既夢想
三點九起身, 四點三o係大圍會合高仔, 今日MTR有特別安排, 所以咁早已經有車啦
乜都冇畫, 素顏上陣! 個黑眼圈大過個一毫子
B3731, 到!
真係好言仔
我地o既行李係灰色袋, 已經寄存左啦
仲係天黑架, 慢慢行過去起步點
好多人呀
warm up! warm up! warm up! 做足功夫, 腳仔唔會痛!
半圓o個個就係起點啦!
努力跑呀跑, 由天黑跑到天光, 點解出左咁多汗都急尿o既...=.=
終於完成5km折返點啦, 個樣殘爆
海市蜃流
我由見到FINISHED o既直路已經舉起手跑架啦, 搏佢影我相嘛, 哈哈....完成10km o既一刻真係好鬼興奮, 開心到爆!
是次紀錄1.35hrs, 唔知大會紀錄係幾多呢
高仔跑完木無表情
等金花都跑完, 我地一圓我地o既夢想--飲茶去也! 睇黎天后呢間維京酒樓一年可能得呢一日咁好生意喎
大家都好累啦, 飲完茶快快趣返歸去....
唔怪得人地話渣打馬拉松係一年一度o既盛事啦, 我都終於感受到呢種氣氛! 雖然跑10km都唔係易事, 但係可以考驗自己o既毅力同耐力, 完成o既一刻又好有滿足感, 我覺得辛苦都好值得呀, 下年都要繼續參與!!!
終於有得拍拖拖啦, 我地已經好耐冇見啦...因為大家都為左考試而努力! 
