賞蝶@榕樹澳及深涌

今年又參加Green Power&Shell合辦既蝴蝶普查員計畫, 因為我上年已經通過考試成功成為蝴蝶普查員, 所以今年可以直接參加了. 今年揀選左西貢既榕樹澳及深涌做普查, 第一次都會有工作人員帶住熟習路線. 先係沙田火車站集合, 再坐佢安排既旅遊巴入榕樹澳村, 講解一論後, 就開始普查啦

 

瞿眼蝶尾交

曲紋稻弄蝶

黃斑弄蝶

酢醬灰蝶

紫灰蝶

毛眼灰蝶

黑邊裙灰蝶

銀線灰蝶

今日天氣好熱呀, 沿途時有樹蔭, 但一到深涌基本上太陽就係頭頂, 戴左帽都曬到頭痛呀

Daniel last day

Daniel last day 啦, 又冇左一個傾得埋既同事啦, 但當然希望佢搵到份人工高, 福利好既好工啦. 我地私下幫佢搞左個farewell party......

金花@嚼江南

金花終於有時間聚聚啦, 肥恩想食嚼江南, 就食呢間啦. 原來嚼江南係食上海菜, 味道都幾好呀.

三個女仔食咁多野都係勁架啦 haha

之後仲要食yogurt, 真係飽到嘔呀!!!

Friendship Forever!!!!

健康午餐

媽咪返左大陸, 我日日要諗食乜, 今日食好健康既麥皮, 但係食完都好似冇野落過肚咁 -.-''

剛開眼小貓咪

朝早同老豆, 細佬飲茶, 有得食馬拉糕 yeah yeah!! 夜晚去高仔屋企食飯, 有得睇貓咪 ^^

岩岩開眼既小貓咪, 超可愛呀!! 呢隻好似馬騮仔咁 haha

呢隻同貓媽媽一樣樣既

呢排天氣都好好, 日日都有藍天白雲, 仲有靚靚既日落tim

Happy Time@和亭

媽咪返左大陸, 屋企冇人煮飯, 緊係約朋友仔出去傾下計啦. 同Winnie試下呢間開左唔係好耐既和亭, 係宜家傢俬個邊既日本餐廳. 叫左個豐富二人餐, 真係好多野食喎. 先黎刺身... 

雞軟骨

天婦羅

喬麥麵

雞蛋烏冬

牛肉火鍋

仲有個煮蜆呀, 係咪好豐富呢 hehe

食埋個甜品, 就極滿足啦 yeah!

Winnie, 食緊蕉 haha

食好飯, 開始我地既試影相apps啦 haha

每個apps, 每個鏡都玩一餐 haha

d人應該以為我地係傻架 haha

盡興回家!!!

舊同事聚一聚

好耐冇同舊同事聚聚啦, 第一次約係酒樓食. 有$9.8一隻乳鴿, 好抵食呀! 但每人只限一隻, 好香好脆啊 

多謝阿多請食飯, 又多謝Sonia請食糖水呀!!!

貓咪小bb

高仔屋企隻貓咪生左三隻貓咪小bb呀

仲未開眼, 應該出左世幾日jar, 超得意呀!!!

自家烏冬

今日阿sir病左, yeah!!! 唔使返學, 可以去拍拖拖 yeah yeah!!! 原來沙田連城廣場開左間自家烏冬, 今次有機會試下啦. 呢個係高仔既芝士豬扒烏冬, 芝士好正呀

我既係咖哩湯底豬扒烏冬, 自從上次係東京食過咖哩湯底烏冬之後, 就深深愛上啦, 但香港唔係好多地方有得食, 今次緊係要試下啦, 真係好好味呀!!!

雜錦天婦羅

宜家新城市做緊Snoopy Wedding 既promotion, 婚紗上有snoopy, 好搞笑

今日既重點主題, 係去買枕頭, 因為我宜家日日訓醒都肩頸痛, 所以想換個枕頭好耐啦, 希望換左有改善啦