旺角沙嗲王&NikonD300 with高仔

29-Jan 今晚放左工同高仔出左旺角, 佢話好想睇相機, 咁我就如佢所願啦....

我地去左"沙嗲王"食dinner, 叫左個泡菜肥牛石頭鍋飯, 芝士年糕, 越南豬肉粉卷同兩杯飲品, 兩個人都好夠啦, 食到好飽tim ar, d野都幾好食o既, 但係我覺得價錢貴左少少啦....

 

之後我去書店買左一本上次見到冇買o既書, 係<<會撤嬌的老婆最幸福>>, 好開心, 本書想買好耐呢!!

跟住同高仔要睇相機, 佢好想買o個個大舊衰D300, 真係好貴呀, 部機身加個鏡頭要成$20000喎, 我都唔係好想佢買, 但係d錢係佢o既, 而且佢又真係好想買, 咁就算啦, 批准佢買啦

 

但係佢要應承我起碼五年唔換得相機, 鏡頭同accessories就遲d再申請啦, 哈哈~~~講到我好惡咁

不過佢開心就得啦....但係最緊要係善用部相機, 幫我影多d靚相, 唔可以only影風景架!!!

忙碌的一星期

27-Jan 今個星期工作都好忙呀, 平均都要7點幾八點先可以放工, 都係生日放左一日去玩je, 但係感覺係忙足成個星期><''

雖然係忙, 但係都好開心o既, 因為岩岩過左我o既牛一嘛, 收左好多朋友仔送o既禮物, 連兩個好同事都有送小禮物比我呀, 嘻嘻~~~

Teddy送左70%黑朱古力, Corgi仲親手整左杯咖啡味cheese mosses比我tim, 好多謝你地呀.....

不過最慘就係出左沙田做左件令我好後悔, 好心痛o既事, 我真係好蠢好蠢呀, 點解咁都中招架, 好嬲自己呀

o個一刻真係好無助, 好驚, 但係已經挽救唔到啦

Starlight容祖兒演唱會

食飽飽我地一行五人, Winnie & Hon sing, 我&高仔, 仲有肥恩, 就向紅館出發, 去睇容祖兒演唱會啦~~~~

 

我地坐到都幾後架, 但係冇辦法啦, 係Winnie病住去排隊買架, 有得一齊睇已經好開心啦....個concert個氣氛都好high, 係有d位悶悶地, 可能係我地唔識唱佢d新歌, 但大部份時間都幾好睇; 最可惜就係遲左半個鐘開始, 成八點九先唱, 但係十一點就收場囉....好呃錢咁囉, 咁快就唱完, 車!!!

 

之後我, 高仔, Winnie同Hon Sing返左大圍甜藝館食dessert, 我食左個芒果世界, 好美味呢~~

曾記同學仔@加拿芬pizza hut

26-Jan 今日係屋企睇番"律政新人王2"大結局同埋"叱吒2008頒獎典禮"....

之後出尖沙咀加拿芬廣場Pizza Hut同曾記中學同學仔食飯, 有Winnie, 肥恩, Cwai, 漢陞, 子謙同tree bear, 呢餐係佢地同我慶祝生日架, 好開心呢!!!

 

食左新出o既咩海鮮鮑汁片三重芝脆批, 好好味呀....

 

高仔放左工都有黎呀....估唔到佢地有準備birthday cake喎, 好surprise呀, 仲有Winnie, 肥恩同Cwai o既生日禮物, 多謝你地呀, 真係好感激啊!!!

怎麼可以@21-Jan

怎樣可以把愛情的感覺永遠保鮮？

愛情，也許是最經不起考驗的東西。我們都如此沉溺愛情，它，卻那麼具傷害性。愛情像冰，觸不到時，看上去美麗不可方物，非常漂亮非常特別非常吸引。握在手裡以為可以永遠擁有，它卻逃不掉枯竭溶化的命運，我們終究在自知自覺中，或不知不覺中，親手讓自己的愛情付諸流水。一段感情，最初是雙方的付出，當彼此以為勝券在握，可以安定下來了，稍不留神，便會出事。天長地久真的毫不簡單。內憂外患，每一次都攜手跨過　－　你和妳，是否有這種能力？

 

生日快樂with高仔@Ocean Park Part Four

玩左一日, 我地o係車上面換左套衫, 高仔帶我去食dinner啦~~~我都唔知去邊, 開頭以為去Sky Platform, 點知估錯左, 原來佢帶我去麗豪酒店o既意廊食意大利菜candle dinner

 

個環境都幾好, 好靜好romantic, 好開心呢~~~

 

仲有我o既生日禮物係一部可以聽歌, 聽收音機, 睇dvd/vcd o既播放器, 嘻嘻

 

之後我地上左獅子亭一陣, 高仔就送我返屋企啦; 獅子亭係我地o既老地方, 上年生日我第一次去, 我要每年生日都去我地o既老地方!!!

 

今日好開心, 好感動, 高仔對我好好, 樣樣野都比最好o既我, 唔想我捱苦, 但係我有時又唔乖, 發佢脾氣, 我會乖架啦, 希望我驚o既野呢世都唔會發生啦!!!