高仔HaPpY BiRtHdAy

1-Jan 今日係高仔birthday呀, 我地冇周圍去, 反而喺佢屋企過左一日.

今日我睇唔過眼佢架車咁dirty, 所以我要佢洗車, 我都有幫手架, 原來真係好辛苦架, 首先用去污液擦完一次, 要用水沖一次, 跟住要用幼臘打一次, 再用布抺一次, 再要打一次粗臘, 再用布抺乾淨, 咁先完成....唉, 真係好多功夫, 仲要用好多力, 佢話我宜家幫佢洗一次就知道佢洗車有幾辛苦, 又真係幾辛苦o既, 特別是夏天呀, 我今次都洗到頭暈暈呀

 

不過佢family講先醒起, 今日係高仔生日, 仲乜要去服侍架車呀, 丫~~~~點解我冇醒起架, 咁樣會唔會對佢唔吉利呢, 點解我咁笨架......唔洗都洗左啦, 算啦

 

跟住同佢family BBQ, 高仔要陪佢爸爸打麻雀, 所以就由我燒野食比佢, 又陪佢d姪仔姪女玩左一陣, 食埋晚飯先走

 

佢車我返屋企, 仲攞埋我整o既tiramisui, 但係......好難食!!!個cake太甜, 都係怪我懶惰, 唔用個電動打蛋器去發d cream, 所以好甜, 又凝固唔到, 完全係失敗之作, 嗚嗚....但係佢都攞左返屋企食, 我反而驚佢食到肚痛, 我下次會整一個成功o既蛋糕架!!

 

雖然佢話咁樣過一個平平淡淡o既生日都好開心, 但係我個心都有d唔好意思咁, 第一年同佢過生日, 都冇比d surprise佢, 又冇安排到節目, 連個cake都咁難食, 真係唔好意思呀, 高仔你原諒我啦, 我下次會做好d架啦, 至多我唔成日發脾氣啦!!!

並希望你生日願望會實現!!!