出旺角買行山野

我呢d有選擇困難症既人, 真係好難自己做到決定, 好多謝高仔同Corgi既意見, 仲有Corgi朋友仔-腳趾既頂力支持, 我終於買左行山褲同帽啦 yeah!!!! 之後搵左間餐廳食越南菜. Corgi既原隻菠蘿炒飯, 佢話冇乜味....


腳趾既牛肉粒紅飯

高仔既海南雞飯

我既烤牛肉撈檬

 

White and Dark from Cova

難以解釋之下, 可以一嚐Cova既蛋糕, 好開心呀!!! 幾日前去Cova拎小冊子睇下想食邊個, 兩天前打電話去預訂了


今天終於有得食啦 yeah!!!

White and Dark, 真係好朱古力呀!!! 大愛

 

最愛苦苦的朱古力了

日之味@元朗

還完單車, 同朋友仔係元朗食日本野, 因為之前預計有7個人, book左間房, 而房間最低消費係$600, 所以我地宜家要5個人至少食滿$600, 我地仲以為$600係好多, 所以都冇睇價錢係咁叫.最後緊係過晒啦, 食左$8xx....每位$160左右. 係房間食有個好處, 唔使同人迫, 又唔會比人地嘈, 你只要按一下小鐘, 服務員就會為你服務, 嘻嘻

呢個推介既薯仔芝士年糕, 外面個皮少少脆, 內裡芝士勁多, 熱辣辣又香口, 軟綿綿超好味 


蟹子沙律, 一般貨式

餃子雞翼, 內裡讓左豬肉, 外脆肉軟, 又夠味

明太子雞翼, 第一次食, 個名好特色, 內裡既明太子有少少辣, 多汁惹味

加州卷, 味道一般

海膽, 好新鮮, 好甜, 配上紫菜青瓜, 更能帶出海膽既鮮味

和風牛肉粒飯-牛肉粒好林好多汁, 好夠味

三文魚刺身, 新鮮, 肉質肥美


和風豆腐, 都值得一試, 個皮好好食, 煙煙un un, 好似沾左木魚絲咁

汁燒墨魚筒, 好好食, 墨魚一d都唔硬, 好香口

雜錦天婦羅, 不過不失

蒿麥麵, 麻麻, 冇乜特別, 而且凍得滯

同新朋友仔食飯都好開心, 大家都係傻傻地, 有說有笑.

下白泥單車遊

今日同Corgi & 朋友仔由元朗踩單車入下白泥, 我地先係元朗食好早餐, 再去租車, $50踩到7:30pm交車都ok啦, 一行5個跟住腳趾指示出發!!!


佢帶我地繞去魚塘, 呢段d路比較爛.....




望到既係天水圍, 隔離就係濕地公園啦


Corgi仲借左佢頂帽比我戴tim


跟住沿住香港邊界踩


過左流浮山, 見到一間荒廢左既幼稚園, 我地好奇入黎下, 見到間樹屋


仲有舊到我都未玩過既搖搖板






跟住係咁上斜落斜咁踩, 踩到去海邊, 對面就係大陸啦


好感激朋友仔預埋我去玩呀


一個鎖, 點解鎖好5架車? 就係咁架, 哈哈

上白泥, 環境好靚

三點三, 黎到上白泥村食飯, 揀左間比較多人氣既士多


味道可以接受既碟頭飯


食飽飽, 又踩返去下白泥啦, 呢個路口有d隱蔽, 所以頭先miss左

好靚既白泥日落呀

又話唔望鏡頭, 個個都望晒鏡頭既 -.-''

大合照 yeah!!!

 

 

聚聚with舊同事@荃灣石燒日本料理

又同舊同事黎荃灣食飯, 本來諗住食和民, 但實在太多人, 又唔比訂位, 所以最後去左石燒. 呢到唔使等位, 一入去就被安排四人卡座, 坐得舒服. 點左個dinner set, 再叫d小食. 先黎個雜菜沙律, 菜好新鮮, 但份量好少


吉列蠔同吉列蝦, 熱辣辣上菜同好夠味

用某幾間信用卡簽帳就會送既一口吉列豬, 味道一般, 真係得一口

刺身, 好鮮甜

火炙芝士軟殼蟹卷, 味道一般, 飯團鬆散, 冇乜芝士味


蒜片牛肉石燒炒飯, 石鍋上, 熱辣辣, 味道唔錯, 炒飯好香


野菜牛肉涮鍋, 肥牛舖滿鍋面, 雖然算不上頂級, 但肥瘦適中, 份量都算多, 底層配有日式鍋料, 讚!!!

 

 

野菜牛肉卷, 原來用上韮菜, 但由於本人唔食韮菜, 放埋一齊只覺得韮菜搶晒牛肉味, 而且好硬

又一次食到人家打烊先捨得走, 我地成日都係咁難分難捨 haha