今日既training係比我地熟習路線既, 因為黎三幾個月我地要自己同組員出去普查啦. 呢條路線由粉嶺鹿頸開始, 經鳳坑, 谷埔, 再折返, 全長7公里, 係咁多條普查路線最長既!!!
一點三去到太和火車站既Mcdonald集合, 跟住有旅遊巴載我地入鹿頸...差唔多兩點三先開始行, 沿途都見唔少蝴蝶呀, 但係好多都係見到影唔到, 因為我部LX3既焦距太短啦.....
唔好以為佢係斑蝶呀, 其實佢係一隻扮斑蝶既鳳蝶, 真係扮得好神似, haha (點解佢要扮斑蝶呢, 係因為斑蝶既幼蟲係食一d有毒既植物, 就算佢變左成蟲後, 佢身體都會有毒素既, 所以佢咪要扮斑蝶, 等其他昆蟲唔好襲擊佢囉, 其實昆蟲都唔蠢架, 哈哈)
成日都唔肯停低比我影既波紋眼蛺蝶
紫灰蝶係到尾交, 都唔得閒理我地, 所以我地任影唔嬲
呢段路都行得幾辛苦架, 又長又無乜遮蔭
對面就係沙頭角啦
臨走前都比我影到白帶黛眼蝶
行到六點先走, 跟住又要趕下場啦.....好似好忙咁!!! 高仔係大圍火車站接我返屋企, 沖過涼換好衫又要出去啦, 今晚訂左枱同世伯食生日飯, 我冇理由唔比面架嘛, 所以就算好累都要去!!!
約左好耐, 我終於得閒, 可以去Cherry屋企啦
....Cherry同佢男朋友先我地到SOHO既Daddyos食lunch...
呢個煙肉芝士肉汁焗薯條超好味呀
新鮮, 薯條卜卜脆, 加上煙肉芝士肉汁, 絕配呀
周打忌廉湯pizza, 好好味, 超大塊呢
辣雞翼, 中辣, 我食得辣都覺得幾辣, 不過下次可以試大辣 ^^
食飽飽行去永利街....話晒都曾經hit過一排呀
原來就係咁架jar, 不外如是哦
我真係未見過遊樂場係室內喎
就係呢座舊街市裡面
好多都成為歷史...
只可以成為我地既回憶...
哈哈, 真係到此一遊!
之後, 我地就上Cherry屋企打麻雀, 不過原來Him唔識玩, 所以打得好慢好訓, 哈哈....打攪晒啦, 下次我地再黎打攪你啦
打完squash, 緊接要去蝴蝶training lesson 2啦, 今次係城門水塘
先黎兩毛毛蟲蟲
影個時唔知呢條係咩蝴蝶既幼蟲, 之後睇參加書先知原來係燕鳳蝶既幼蟲黎架....好開心我可以見到呀
好新鮮既小眉眼蝶呀
蛇目褐蜆蝶
散紋盛蛺蝶, d紋超靚呀
新月帶蛺蝶
呢隻遷粉蝶, 我係o係樹葉裡面搵到架
希弄蝶 
好開心呀, 一見到蝴蝶就會好開心, 咁辛苦都係值得既!!!
突如其來既放假, 高仔同我去食峰壽司, 哈哈