Conny's Wedding - Part 2

到左酒店, 又唔使搞佈置, 因為酒樓包埋, 所以我有少少時間去影相啦

係Reception扮下簽名先 (其實我係第一個簽, 哈哈) 

個場都ok靚架, 我都好鍾意!!!   

正正方方, 樓底又夠高

少女的祈禱                     

好肚餓呀, 食返件朱古力tart先, 好味道!!!

呢個係夜晚既手花               

第二個花球都好靚呀, 可惜我搶唔到花球呀, 如果搶到就可以帶返屋企啦

新郎同我地......一樣高

祝一對新人白頭偕老, 永結同心!!!

要幸福快樂過一輩子啊

Conny's Wedding - Part 1

尋晚去舅父冠峰園到過夜, 真係好明智既選擇!!!! 今朝六點三先起身都得, 六點半落樓下搭八折綠的, 二十分鐘就到天水圍天瑞邨, 先係$5X, 呢$5X真係好抵!!!

Conny係我舊公司既同事, 呢幾年都有keep contact架, 佢既大喜日子都預左我做佢姊妹, 係我既榮幸呀!!!

我係第一個到, 連化妝師都未到囉~~之後又係第一個set頭同化妝, 呢個頭我係網上搵架, 覺得好靚, 疏左呢個頭會好feminie, 岩晒我 比化妝師睇相, 佢都整返出黎, 勁!!!                          

完成啦! 本人覺得都幾好睇呀                             

好多新娘既親戚都到左, 我地呢班姊妹們亦做好玩新郎既準備啦!!!           

足足遲左四十五分鐘先接新娘, 飲好茶就出發去男家啦

手花, 好靚, 真花黎架

由天水圍去觀塘男家到都差唔多一個鐘, 搞好男家既儀式, 我地終於有得休息下啦...兄弟姊妹一齊去飲茶!!! 點解呢間酒樓冇我最鍾意既馬拉糕架!!!!             

新娘子今日好靚呢                             

去男家到hea左陣就去酒樓打點啦.....

借宿一宵

今晚係TST上完堂, 即刻坐MTR入屯門去舅父到借宿一宵, 因為聽朝要7am到天水圍呀....勁早, 如果由屋企過去, 我諗我起碼要5點幾出門口呀 所以就去舅父到, 第二朝6:30坐的士過去 

因為我唔係好識路, 特別係入黑, 我完全認唔到係邊到, 舅父好好呀, 佢係巴士站接我

Tea Time@肯德基

尋日遊船河應該係太累啦, 足足訓左十一個鐘 好滿足喔~~~之後同高仔去新城市食tea, 好耐冇食過肯德基

高氏大家庭遊船河@西貢

高仔屋企搞遊船河, 十點準時係西貢出發今日天氣好好呀, 好多人都出海, 成個西貢碼頭塞滿晒人!!!

連世伯伯母都有去, 但係呢團小朋友居多

阿細, 把聲好搞笑, 成個曾智偉咁

子滔, 好sweet, 好得人鍾意!!!          

我發覺我有少少鍾意左佢            

搞左成朝公司野, 煩死人啦!!! 終於到lunch time大食會啦, 每個家庭整一至兩個餸, 都好豐富架!!!                   

食飽飽, 休息下曬下太陽

出發去玩banana boat啦, 好興奮呀!!!

心情好緊張.....

都唔夠廿秒就比人拋左落海 好可憐呀, 落海時比曉彤踢左一腳, 咀唇下面即時腫左, 連個下巴都好痛呀, 嗚嗚

跟住又玩滑水, 我冇得玩呀, 因為腳未好返晒, 我怕我玩完會跛呀>< 所以我出去既任務係負責拍片 高仔好犀利呀, 第一次就上到, 仲要上左20秒咁耐tim, 等我upload埋佢段片上黎啦 haha

游到5點幾, 係時候回航啦, 今日天氣真係好好呀, 好適合游船河, 唔太凍又唔太熱, 你睇下個天, 幾靚!!!

玩左成日, 成個日散晒......返到屋企食好飯, 開始大昏迷!!!