一週年

14-Feb 今日係我同高仔拍拖一週年紀念, 時間好似過得好慢咁, 因為同佢o既感覺唔似一年, 而係兩三年

 可惜高仔唔舒服, 所以冇得大肆慶祝, 我地去左海皇粥店食, 佢食粥, 我食炒米粉, 仲有牛肉腸tim, 雖然係簡簡單單, 但係都好開心啦....(今日食飯好貴o既, 又多人, 不如留返d錢第日食好過啦)~~

 

行左一陣我地去左獅子亭, 佢話要揀個安靜o既地方送份禮物比我喎, 佢成日話份禮物唔值錢, 驚我唔鍾意.....原來佢親手整左段片比我, 裡面有我地呢一年影o既合照, 其實都好有心思, 不過冇得帶住囉!!

 

而我就送左一個親手整o既車仔cushion同埋朱古力比佢, 應該叫做莎莉蛋糕至岩, 因為想整朱古力整左蛋糕出黎, 哈哈哈哈~~~

 

呢個就係我問Sonia借左個鴨仔溶朱古力器, 都好有用呢, 起碼唔使隔水煮溶d朱古力YEAH!