Day 3-飛來寺-丫口

六點五十分, 己起床兼上天台準備睇傳說中既"日照金山"啦....

可惜, 今日多雲, 梅里雪山既主峰-卡瓦格博唔肯出黎見我地呀>< 所以我地見到既第一個比太陽照耀既係神女峰

太陽慢慢照耀整個梅里雪山, 共十三個峰, 呢一刻真係好靚, 好壯觀!!!

即使氣溫幾咁低, 手指腳趾凍到又痛又麻, 都係值得架!!!

神女峰

主峰下既係黑蚊蚊既明永冰川....好可惜, 已經污染到不得了

開始放晴, 黎個大合照!

回房間都仲見到整個梅里雪山呢

食過早點, 出發去雨崩村, 當然又要開一段相當長既路程啦

先到西當租驢仔, 上到丫口要RMB2XX....因為整段都是上山既路, 我們騎驢仔都要用上三個多小時, 可想而知徒步上山會幾吃力, 但師傅勁呀, 徒步上山的!!! (連驢仔都經常停下來抖大氣, 辛苦驢仔啦)    

  

我既驢仔...經常停, 但好乖^^  

沿途景色好靚, 冒住墮驢既危險都要拍低呀

到左中途休息處....

比驢仔休息下, 食飽飽後又繼續行程, 驢仔既姿勢幾咁有型, haha, 牠正在小便   

我們正往山上爬, 連遠處既雪山都見到啦

香港找不到的, 因為海拔高, 空氣好先會生長到, 呢到周圍都係!

好出名既方便面牆, 食完既方便面就咁樣儲起來而成的  

我們都來一個方便面加炒飯醫醫肚, 肚餓仔乜都好食!

食飽要走最後一段"驢"程啦  

已經見到掛滿彩色經幡, 即係快到啦....

到達丫口!